الفضلي ابن عوده
17-02-2009, 08:40 AM
بسم الله الرحمن الرحيم
السلام عليكم ورحمة الله وبركاته
هذه قصيده للامير الشاعر عبدالرحمن بن عوده آل بويت الفضلي
يصف فيها القهوه العربيه وطريقة عملها
" القهوه "
يازين فنجال الضحى بالمراحي=إمسكبه راعيه والنذل ما جاه
فنجال اشقر بين ني او نجاحي= يصبغ ابكاس الصين كالدم مجراه
راعيه ما دور ابصاعه رباحي= يبغيه الى جاوالمسايير مقراه
ريحه على جمر الغضى حين فاحي= يبلغ مسيرة يوم يابعد مسراه
لشمه المشتاق في الأرض طـاحي= يسكر بريحه من بعيد الى جاه
لحمس بالرافق له البال صاحي= ناره قليله اوعلى جمر يصلاه
يفوح له بين الحمى واللياحي= ريحه كما العنبر من الهند مجناه
لصفر واحمر كالزمرد وشاحي= بين النياه وبين الأنجاح مكفاه
دقه بنجر يعجبك بالصياحي= صوته عجيب ومرتفع بالملالاه
انعم سحاقه لا تخليه طفاحي= يوذيك منه الحب في داخل ا لفاه
إحشه ابدلة من ادلال الصحاحي= وخله على شاطي الجمر بالمراكاه
لفاح تلقابه اقماش ضباحي= او مشبق في نحر رعبوب يزهاه
وزله ابمربوبة بها الهيل فاحي= والهيل به من باقي الجنس ماكفاه
باقي القناد ابمذهبي ذا مباحي= بالك تعنا به والا تجيب طرياه
هو ملحها ما تبي غيره ملاحي= إلاانها تحتاج للزل تصفاه
غسل فناجيلك ابماء قراحي= وخزز مناعير ثنوا بالملاقاه
خزز بني فضل اطيور الفلاحي= اطيور تقنص بالوغى والمثاره
نعم بهم لجا نهار الصياحي= تلقا الجنايز بالدقاسن امرماه
حريبهم ما يهتني بالمزاحي= دايم اعيونه في سنعهم امشقاه
يفرح الى من شاف نور الصباحي= ويكره الى شاف المسا والدجا جاه
انا الحمد الله تو قلبي استراحي= حطيت بالممرح اقصور امبناه
امراحنا يانعم به من امراحي= هفوف مصر معجب كل من جاه
في القيظ هفوف براد قراحي= هاذي صفاة القيظ يا طيب مشتاه
هواه معتدل وارضه بياحي= منوة افوادي رب الأرباب هياه
له مشرب عذب زلال قراحي= مثل الشهد شربه قريب امرواه
في عام عشرين نزلنا المراحي= وثلاث مايه والف لطف من الله
الله اعلم نزولنا به صلاحي= قطع النزاع وكل عود شرب ماه
صلاة ربي عد مالورق ناحي= تغشى الرسول اللي على العرش ناجاه
تمت للامير الشاعر عبدالرحمن بن عوده
السلام عليكم ورحمة الله وبركاته
هذه قصيده للامير الشاعر عبدالرحمن بن عوده آل بويت الفضلي
يصف فيها القهوه العربيه وطريقة عملها
" القهوه "
يازين فنجال الضحى بالمراحي=إمسكبه راعيه والنذل ما جاه
فنجال اشقر بين ني او نجاحي= يصبغ ابكاس الصين كالدم مجراه
راعيه ما دور ابصاعه رباحي= يبغيه الى جاوالمسايير مقراه
ريحه على جمر الغضى حين فاحي= يبلغ مسيرة يوم يابعد مسراه
لشمه المشتاق في الأرض طـاحي= يسكر بريحه من بعيد الى جاه
لحمس بالرافق له البال صاحي= ناره قليله اوعلى جمر يصلاه
يفوح له بين الحمى واللياحي= ريحه كما العنبر من الهند مجناه
لصفر واحمر كالزمرد وشاحي= بين النياه وبين الأنجاح مكفاه
دقه بنجر يعجبك بالصياحي= صوته عجيب ومرتفع بالملالاه
انعم سحاقه لا تخليه طفاحي= يوذيك منه الحب في داخل ا لفاه
إحشه ابدلة من ادلال الصحاحي= وخله على شاطي الجمر بالمراكاه
لفاح تلقابه اقماش ضباحي= او مشبق في نحر رعبوب يزهاه
وزله ابمربوبة بها الهيل فاحي= والهيل به من باقي الجنس ماكفاه
باقي القناد ابمذهبي ذا مباحي= بالك تعنا به والا تجيب طرياه
هو ملحها ما تبي غيره ملاحي= إلاانها تحتاج للزل تصفاه
غسل فناجيلك ابماء قراحي= وخزز مناعير ثنوا بالملاقاه
خزز بني فضل اطيور الفلاحي= اطيور تقنص بالوغى والمثاره
نعم بهم لجا نهار الصياحي= تلقا الجنايز بالدقاسن امرماه
حريبهم ما يهتني بالمزاحي= دايم اعيونه في سنعهم امشقاه
يفرح الى من شاف نور الصباحي= ويكره الى شاف المسا والدجا جاه
انا الحمد الله تو قلبي استراحي= حطيت بالممرح اقصور امبناه
امراحنا يانعم به من امراحي= هفوف مصر معجب كل من جاه
في القيظ هفوف براد قراحي= هاذي صفاة القيظ يا طيب مشتاه
هواه معتدل وارضه بياحي= منوة افوادي رب الأرباب هياه
له مشرب عذب زلال قراحي= مثل الشهد شربه قريب امرواه
في عام عشرين نزلنا المراحي= وثلاث مايه والف لطف من الله
الله اعلم نزولنا به صلاحي= قطع النزاع وكل عود شرب ماه
صلاة ربي عد مالورق ناحي= تغشى الرسول اللي على العرش ناجاه
تمت للامير الشاعر عبدالرحمن بن عوده