قصيدة إلى آل عوده

[حمد خالد الحيص]

القصيدة أهداء من فاضل القطوا الفضلي إلى أل عوده

نبعث كتاب الشكر معه المودة=لعيال فضل كاسبين النواميس
آفعالهم بالطيب كل يعده=هم شمعة الماضي وهم الفوانيس
شي لمسته بآل عودة وآعده=رجالهم آسس على الطيب تآسيس
والحرله في مرقب العز هده=تكفخ بجنحان المراجل قرانيس
ربعي فضول وكل لازم تسده=آهل الفعول معتقين المحابيس
وبيوتهم مازحزح الضد وده=من آفعالهم ترجع آعداهم مفاليس
والمدح فنجال مبهر نمده=لآهل المراح مزيحين الهواجيس
رجالهم يكيل كيل لضده=ليا شاف بالقالات كثرة لواليس
وليا كبرت القالات يكبر بقده=وعدوهم خاسر بكل المقاييس
حكيم رآي مجرب كل شده=وينآى بنفسه عن كلام النواديس
من طيب آبوه وطيب خاله وجده=مرقابه العليا بروس التضاريس
آصله على فعل المراجل يحده=تفداه ارجال بالمماشي دنافيس
نظراتهم وقت المراجل مصده=وقت اللقاء يمشون في ساقة إبليس
هذا كتابي يا نديبي ووده=يم آل عوده كاسبين النواميس



الشاعر : فاضل القطوا الفضلي

[حمد خالد الحيص]

صح لسانك ولاهنت يابو نـــــواف

[المناع الكثيري]

صح لسان الشاعر فاضل القطوا ويستاهلون العوده المدح

[عبيد العثالي]

صح السانك شاعرنا القدير المخضرم ابو نواف والعوده يستاهلون
الى الامام

[سلطان علي الكثيري]

صح السانك مدد بلا عدد ,,,,,,,,,,,,,,,,

[محمد الخمسان]

صح لسان الشاعر والعوده يستاهلون

[واحد من الناس]

صح السان فاضل القطوه وتسلم على الطرح

[باسل محمد الشقيم الكثيري]

ونعم مليوووون بالفضووول ولايكفوووون

[ارقى سنود]

ضح السان الشاعر وتسلم يدين الناقل


ويستاهلون المدح العوده العلى اهل المراح

[ابراهيم العوده]

السلام عليكم ورحمة الله وبركاته



مساكم الله بالخير والرضى واتمنى ان يكون الجميع بوافر الصحة والعافية


تسلم يمناك يا حمد الحيص على النقل وصح لسان الشاعر

فاضل بن عنيز القطوا

على هذه القصيدة وصح لسانك يا ابو نــواف .

[الفضلي ابن عوده]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
صح الله السان شاعرها وتسلم يمين ناقلها
وتستاهلون الطيب كل بسمه
شـكــ وبارك الله فيك ـــرا لك ... لك مني أجمل تحية .
ولدي تعليق على الاخ ارقى سنود العوده العلي
وش جاب العوده للعلي العوده ماترجع للعلي
ال عوده من آل بويت الفضول وهم شيوخ المراح
وهم بغنى عن التعريف فقط للتوضيح وفك الالتباس لديك
هذا وتقبل مروري ولك مني اجمل التحايا اخوك ابن عوده

[عبدالله القطوا الفضلي]

مشكور ياحمد على النقل




لا هنت