الرقم الرسمي (الرمز) لقبايل بني لام

[خالد بن عطا الله]

512
هذا رمز قبايل بني لام

[الفجر الكثيري الجديد]

## يعطيك العافية وياليت تعلمنا بارقام القبايل الثانية وتصلح العنوان لاهنت ##

[غدى الشر]

ممكن اعرف قصه الارقام هاذي وشنو سالفتها

[خالد بن عطا الله]

والله ياربع مادري وش سالفت الارقام هذي
لاكن مثلنا مثل القبايل الباقيه

[&!نديم القوافي!&]

تسلملي ياخالدبن عطاالله
بس وش معنى512ليش مايكون رقم اخر
تقبل مروري

[أبو شموخ]

السلام عليكم

اللي اعرفه ان هذه الارقام هي من اختراع الشباب وهي توضع على السيارات

يعني مثل الوسم للسياره مثل الوسم للأبل ههههههههههه

وكل قبيله لها رقم خاص

وعلى سبيل المثال هذه بعض ارقام القبائل



عتيبه 511
سبيع 911
العجمان 101
العنوز 500
شمر 555
الحروب 111
قحطان 505
مطير 305
الدواسر 502
التميمي 811
يام 711


تقبلو تحياتي : ابو شموخة

[مفلح الكثيري]

السلام عليكم ورحمة الله وبركاته

ياجماعـة الخير والله ماذكر الاودام توسم نفس الابل

ثاني شيء الرمز هذا للكثران فقط ام الفضول الرمز 901

[&!نديم القوافي!&]

نريد المرجع لهذه الارقام
ودمتم

[مفلح الكثيري]

المصدر شاب في الرياض يطلق علية قوقل النسيم

هناك في الرياض تحديداً بالنسيم شارع يطلق علية شارع الثلاثين

هذا الشارع معروف بانة حق الشباب الي تفتر بسيارتها

ومن هنا بداء بتدوين ملاحظات بالجوال عن السيارات واصحابها
وبعض الكلام المضحك عنهم إلـى انا وصل الي خطة جديدة وهي بكل عدد ينزل مجموعة من الرموز للقبائل

[الكثير]

سمعت ان الرموز بسبب اهل القنص الانهم يكلمون بعض بالاسلكى


والله اعلم


تسلم يابو عطالله على الموضع

[كحيلان]

انا نفس الكثير بعد سمعت


دمتم في حفظ الرحمن

[اخو وضحه الدويجني]

مفلح صدقت الفضول رقمهم 901 بالكويت طبعاً

و المغيرة 522

والحين الشباب يقولون رقم بني لام 512 يعني بفهم قبايل بني لام ما عمرها اجتمعت علشان تحدد لها رقم

[كثيري عفيف]

ياشبااب القصه مثل ماااعرف أنهااجت محاااوره بين شااعرين وكل واحد ذكر رمز وبدووالشباب

يتخذونهاااعلاأنهااارمووزللقبااائل

[أبو شموخ]

الكثران 512

الفضول 901

المغيره 22 5

[عبيد الكثيري]

هذه الارقام الذي اخترعها الشباب الفاضي
وزي مايقولون الفاضي يعمل ......... المهم
بالنسبه ل رقم 511نسبه الي الجمس ابو شكمانين
وكان هذا النوع من الجموس لا تستطيع الوريات الامنيه
ايقافه والسبب ان هذا الجمس عندى مايكون مسرعأ كل سرعته القصوى
يقوم سأئقه بالكبس على البنزين مره ثانيه تكون السرعه دبل يعني اذا كان
سرعته 140+140لذالك يفتخرون شياب العتبان بهذى الجم
ثانيأ/ يستخدمونه الشباب بالسفر اذا حصل الحد على الطريق متعطل فانه
من دون ان يتوقف يعرف بان صاحب هذه السياره من اي قبيله

[نديم القمرا]

اخووووووووووووواني واخوووووووووووواتي

بعد السلام والتحية

المعلومة اللتي لدي عن هذه الارقام

ان احد الشاب المحب لعالم النت ومن المبديعين في فن التصاميم او التواقيع

من محافظة عفيف وتحديداً يقال بانه روقي مغيري

وهو اول من قام بانزال الرقم على توقيعاته(511)

والمقصود به قبيلة عتيبة

وهو ماخوذ من الجمس الذي كان يهرب عليه بندر بن سرورشاعر عتيبة

هذا ما لدي من معلومات عن المووووضووووووع

والله اعلم,,,,,,,

[اخو وضحه الدويجني]

متى يجتمعون بني لام في رقم يجمعهم

[راعي السودة]

عتيبه 511
سبيع 911 الخوالد 911
العجمان 101
العنوز 500 عيال وايل 501
شمر 555 شمر f16
الحروب 111
قحطان 505
مطير 305
الدواسر 502
التميمي 811
يام 711
الظفران 205

ونزل فيها تعميم بانة اي شخص يلاحظ على سيارته هالرموز يخالف لاكن لاحياة لمن تنادي

لنها اثارت النعرات القبلية وسببت مشاكل كثير الله يستر

[راعي المجاهيم]

ابو عطا الله

بارك الله فيك

واكثر الاخوان صادق متى اجتمعة القبيله على شأن يكون لهم رقم موحد

وعلى سبيل المثال عندناء في ضريه لا يعرفون رقم 512 بل الجميع هناء

متفق على ان رقم الكثير هو 611

والله عجب للكثران حتى فى الارقام مختلفين

ولكم كل الحب

[star الجذالين]

يعطيك العافيه خالد ماقصرت مزيد من التقدم

[نواف غنيم الزيد]

اعتقد ان الرمز " علم " الاحرف وهو علم يختص بحساب الرموز وعددها من الكلمه.

شكرا