اللي قدرت احصله من قصايد ال كثير التراثية .

[نبهانيه]

اسمحولي اكتب لكم بعض قصايد اهلنا ...

يعني عندي كم قصيده للعم رغيان ابو طاهر..
وكذلك كم قصيده للعم ايتيم الدلعان ابو مياح ..
وقصيده وحده لجالي الجريد..


راح ابدى بقصيده جالي الجريد ..ويقصدها لولده مضف الاول وكانوا بشيلون.. يامضف مراحنا طول ...
تطرى علينا المراحيلي..
يامحلى مدة الاول..
تسمع رزيم المخاليلي..
راع السلف بالنبى حول..
راجت عليه المظاهيري..


من قصايد رغيان الظلماوي ..

وكان يبي الهجه من دخينه ..وهي عشه ومثل مافهمت انها تعتبر الديره يعني كانوا مخلين اهلهم بالبر وهم جايين لدخينه ..

واهني ياناس من فارج دخينه..
مع فجور الصبح ودعها سلامي..
ساعتين ........واصلينه..
شوفت القرم تسوى له جهامي..
ربعي النبهان وانتم خابرينه..
من شرد بالعمر مايلحق ملامي..
وحده ثانيه للظلماوي واختلفت الاقوال على سبب كتابته للقصيده اللي عنده خبر يقول الاسباب


ياراكب سمحة الذراعان
حمرن من الهجن عمليه..
لجيت رحيل ابن عدوان
لقطان طب الشنافيه..
لاوالله الا انحبس لقطان
صكوا عليه السواريه..
الغوش ركبوا على القعدان
ربي يسمحلهم نيه..
ركبوا على محرق العدوان
فلاح رد الخبر ليه..
ودو خطوط لهل عمان
وصار السعد للكثيريه..

[النوخذة]

توثيق راااائع وجميل وافيه يا بنت الرجال ....وحماسك يكفينا والله ....

بارك الله لنا بك ..

اخوك

[نبهانيه]

وهذي من قصايد يتيم الدلعان..وهم بدخينه..

ان شبت النار قالوا لا تشبه ..
وان طفيت النار قالولي رقود..
ابي افر شوي بالمنقل واشبه..
غدي حمو النار يدفي لي جدودي..
وان حديتوني على المحرم واذبه..
واجهل النبهان لصرت محدودي..


وهذي ثانيه وهو يبي يروح بالعيد عند اهله بالبر وهو بدخينه..


في نهار السبت شفنا به زهيدي..
صابرن ياذعار لو قلبي صفاتي..
حرك السكان والسايق شديدي..
مع الظلام الليل شب اللايتاتي..
مصبحينن بالجرع ماهو بعيدي..
فيه حفاف الرمث من حد غضواتي..
مطربينن نفسنا بايام عيدي ..
وشايفينن اللعب ورقوص البناتي..

وان شالله اكمل لكم بكره اسمحولي...

[نبهانيه]

حيالله النوخذه والله نور الموضوع بردك ..وشاكره لك المرور. :rolleyes::rolleyes: :rolleyes: :rolleyes:

[السراج المنير]

اللـــــــــــــــــه000الـلــــــــــــــــــه000 ربي يعطيج العافية يالنبهانية000 أثرتي الآشجان ياماسمعنا هالقصايد من أمهاتنا وعجايزنا بالسابق يتغنون فيها000 ياليت تكثر المشاركات اللي من هالنوع لأن فيها ريحة أهلنا000 عسى الله يطول أعمار شيبانا ويرحم الأموات منهم0

[الكثير]

الله يجزاج خير على النقل والمجهود الواضح يابنت العم ....

اثريتينا بالقصايد الطيبه الله يرحمهم ويغفرلهم..


مقدرين مجهودج وحميتج وفزعتج للكثران والمجهود اللى سويتيه بصراحه اعتبره كنز للمنتدى..


الله لا يحرمنا منج ومن مشاركاتج ولا يوقف:)

[شاطر]

ماقصرتي يالكثيرية على الموروث المفقود عند الكثير منـا

تحياتي لكـِ

ألف شكر

[نبهانيه]

اخواني السراج المنير والكثير وشاطر ..تو مانور الموضوع وحياكم الله وصدقوني من حبي للكثير

قمت ادور عن اخبارهم ...وحياكم الله :rolleyes: :rolleyes: :rolleyes:

[الظلماوي]

بنت العم النبهانيه
جزاك الله الف خير على النقل الطيب لقصايد اهلنا وربعنا
وشاكر لج على كتابة قصيدتين من قصايد جدي رحمة عليه
والقصيدتين من ضمن القصايد اللي كنت معتقد انها اندثرت وراحت مع باقي قصايده
وياليت باقي الاخوان يكتبون اي قصيده سمعوها او عرفوها من شيباننا لان اغلب قصايدهم للاسف ما تمت كتابتها وتوثقيها واكتفوا بحفظها فقط وهذا سبب رئيسي بأندثار اغلب قصايدهم



وتقبلوا اجمل التحايا .................

[نبهانيه]

]حيالله الظلماوي..وترى ماسويت شي والعم ابو طاهر قصايده تستاهل اللي يحفظها ..

وان شالله بكمل الباقي اليوم ..وعساك شاعر مثل جدك ...يالظلماوي [/color] :rolleyes: :rolleyes: :rolleyes:

[كويتي سابق]

مشكورة يانبهانية على النقل والتوثيق المميز

[نبهانيه]

اخوي مهل .نور الموضوع بمشاركتك يا شاعرنا الكبير وشاكره مرورك..

اخوي كويتي سابق..حياك الله ونورت الموضوع... وانطرو حلقة اليوم ان شالله مع قصايد اخرى لشعراء الكثير :rolleyes: :rolleyes:

[نبهانيه]

هذي القصايد قيلت بمحمد بن نومان ...

البارحه قمرى ورذر غديري
محمد يابن نومان علوه نظيري..
شرب العرب ملاح وشربو غديري
فرش العرب صياح وفرشو حريري..
مكرب الصفرى ولحق المغيري
ياخوج يا...لا تولوه عدوان ..
ولا عصبو راسه ولاقيل وجعان..

وتغنى البيتين مرتين بطريقه حلوه فعلا يعني مثلا:
ورذر غديري والبارحه قمرى ورذر غديري ..وياعلوه نظيري محمد يابن نومان علوه نظيري..

القصيده الثانيه:

ياظبيات البراحه..شومن لبن نومان..
لحق الوسيد ورد بليا عهد وايمان..
وركب الربيعه الصفرى ..بليا رسن واعنان..

شفتو بليا رسن واعنان يركب فرسه..

الثالثه:

يابنت شومي لبن نومان..
جانج من البيض عشاقه..
يسلملي ساجي وابن مشعان..
اللي علي الموت دلاقه..


وساجي هو ساجي الجويد وابن مشعان هو رجاء الشقعان....


وهذي القصيده لابو وسمي ..سالم العشيران..وهويشتكي من العسكريه..

امدح روحي ..ولاامدحه بالعسكريه..
امدحه ياخوك في كف النثيري..
ذلتي من حاكمن خصم عليه..
نزل الضباط واودعهم حميري..
ربعي النبهان هم اهل الحميه..
اعتبوا اسلاح واذبحوا المديري...

والله تعبت ان شالله نكمل باجر او اليوم بالليل ..واتمنى انها تكون اعجبتكم هالمنوعات..


:rolleyes: :rolleyes: :rolleyes:

[كويتي سابق]

مجهود طيب الف شكر وبانتظار المزيد

[نبهانيه]

اخوي خويران الكثيري..ماسوينا شي هذا قصايد اهلنا ولازم تنحفظ وتنذكر وحياك الله..

اخوي كويتي سابق..حياك الله اخوي وهذي الساعه المباركه اللي شرفتني بمرورك شاكره لك..

اخوي مهل .. مافي فرق بينا في حبنا للقبيله وانتو معذورين منتو فاضين وانا حابه اوثق

هالقصايد لانه تخص اهلنا وناسناو لازم نرفع روسنا فيهم وبماضيهم المشرف ..واذا جبت هالقصايد

جنكم انتو جايبينه.اسعدتني مشاركتك.. :rolleyes: :rolleyes: :rolleyes:

[المشير]

أختي الكريمة .. نبهانية

كثر الله من أمثالك وزادك الله من فضله ..

النساء شقائق الرجال وكم من امرأة سجل لها التاريخ وقفات مشرفه لاتنسى ..

وليس بمستغرب من امرأة من هذه القبيلة العزيزة أن تحفظ التاريخ والشعر وتوثقه

فشكراً لكِ والى الأمام دائماً

[الكثير]

تعجز الكلمات عن الشكرررر..


ماقول الا الله يعطيج العافيه يالكثيريه...

[اخو وضحه الدويجني]

كل الشكر لج اختي نبهانية

[شاطر]

كل الشكر أخت نبهانيه

مبدعـه

وفقك الله و سدد خطاك

[نبهانيه]

المشير..نورت الموضوع بحضورك واخجلتني على هالكلام الطيب ياولد العم..

الكثير : الله يعافيك وهذا شي بسيط نسويه لهالقبيله الغاليه على قلبي.. ومنور..

حمود الكثيري: حياك الله اسعدني مرورك...ياولد العم..

شاطر:اشكرك على هالدعوه الاخويه ..وشرفني هالمرور..

تحياتي...

[النوخذة]

يا جعل شيبانك للجنة ..والله يا حماسك وغيرتك وجهدك يفتخر فيه اشناب ...
اخوك..

[نبهانيه]

اخوي النوخذه ..وشيبانك ان شاالله..وتسلم ايدينك على هالكلام الطيب ياولد العم

وهذا اقل شي نسويه...للكثير.. منوره مشاركتك الموضوع..

[كائن حي]

يسلموووووووو يا نبهانيه ماقصرتي على هالقصايد ويعطيج الف عافيه:)

[كائن حي]

اخجلتينا والله بهالمجهود الطيب ويرفع الراس بعد ;)

[غدى الشر]

الله يعطيج العافيه وياليت اذا تقدرين تجيبين رديه العم رغيان الظلماوي والعم يتيم الدلعان واسم القصيده طاهر سامعها من قبل وماتت جدتي اللي كانت تقولها ومالقيت احد حافظها اذا ممكن وتقبلي فائق الاحترام

[غدى الشر]

الففففف شكر هذا كل اللي اقدر اقوله

[نبهانيه]

الاخ كائن حي..والاخ غدى الشر نورتو بهالمشاركة وحياكم الله ياعيال العم.. :rolleyes: :rolleyes: :rolleyes:

[نبهانيه]

اخوي كائن حي واخوي غدى الشر ..حياكم الله تامر امر ياخوى غدى الشر بس
تقصد اللي مطلعها ..قال طاهر يوم جاب العلم خالو..و الا لا علشان اكملها واكتبها اذا هي..
وياهلااااااااااااااااا... :rolleyes: :rolleyes: :rolleyes:

[غدى الشر]

اي والله هاذي ياليت تكملينها

[نبهانيه]

اعذروني مشاركتي راح تكون بسيطه شوي والله شسوي نسحب هالقصايد سحب منهم وان شالله اللي اقدر احصله راح اكتبه لكم...

هذي القصيده جبتها بطلب من ولد العم غدى الشر وياليت تكون هي يارب ..

قصيده للعم رغيان الظلماوي ..الله يرحمه.بعد ماجاه خبر ولادة ولده طاهر..

قال طاهر يوم جاب العلم خاله..
زاعجن لي يمكم راعي ذلولي..
زاعجن لي حرة تومي حباله..
قال هذا للجماعه سلمولي..
شايبن لي عندكم راسه شلاله..
الولد مطنوخ والابو مهبولي..

ياليت ياولد العم تقول هي والا لا..والله يعين..

الثانيه للعم سبيت الحيص ...الله يرحمه..وقالها وهم مقيضين على ابو غار..
وجاهم فلاح الخشبه الله يرحمه..وكان رايح فلاح للديره فقاله سبيت الحيص:

سلم على الغوش يافلاح..
الشرطه واللي بالاشغالي..
جني خلوجن ولدها راح..
من بعدهم ضايقن بالي..
يارب يارازق الفلاح..
يامنشي الغيم يالوالي..

ومثل ماقلت اسمحولي ادري شويه بس ماابي اضيعهم وان شالله احد يذكر شي..

اسمحووووووووووووووووووولي.. اختكم ..نبهانيه..:rolleyes:

[اخو وضحه الدويجني]

مسموحه اختي نبهانية وعساك على القوة

[شاطر]

مسمووح وماقصــرتي رايتج بيضه والله

عسـاج على القوه أخت نبهانيه

تحياتي للكـل

[نبهانيه]

حياك الله اخوي ..حمود نورت الموضوع .. وان شالله اقدر واجمع اكثر بس خل يتذكرون .. :(

الله كرررررررررريم ..اسعدني مرورك.. :rolleyes:

[نبهانيه]

هلا والله اخوي شاطر ..الحمدلله اللي حازت هالقصايد على رضاكم..
وما يجي شي عند اللي انت تسويه لهالمنتدى ..منوووور..

[الكثير]

والله انج ماتجيبين الا العلوم الطيبه....تسلمين يانبهانيه على المجهود الطيب الواضح الله لا يهينج ياوخيتى...


وااااااااااااصلى لا عدمناااااااااااااااج......

[نبهانيه]

اخوي الكثير حياك الله ..وانت تامر وابشرك ان شالله الطلب تم..وعن قريب انزل اللي كتبتها
وانت تامر يااخوي..

اخوي مهل نورت وجزاك الله خير وترى اي غلط احد يشوفه اتمنى يصلحه لي مشكور..

بس مافهمت يعني اللي كتبتها انا موصح.. والاخلطت قصيدتين بوحده ابي اعرف
واعذرني يالله احصلها ..اللي يتذكر واللي ...بس ماقصروااااااااا عسى الله يطول بعمرهم ..

[غدى الشر]

الله لا يهينج يا نبهانيه لكن هاذي قصيده يتيم الدلعان مثل ما قال اخوي مهل ومشكووووووره على الموضوع

[نبهانيه]

: حسافه والله كان ودي نلبي طلبك اخوي غدى الشر .. ..يالله خيرها بغيرها واعذرني ..:( :(
بس ماشاالله عليهم اهلنا
والله زين منهم ما يضيعون لانهم يحفظون القصيد اللي انقال كله وليش قالوه ومتى ماشالله عليهم والله يطول باعمارهم . :rolleyes: .

[غدى الشر]

خيرها بغيرها وعسى العوض في مقبلات الليالي ومشكوووووووووووره على انج سعيتي ودمتي بخير

[نبهانيه]

القصه هذي اعجبتني وحبيت اني مو بس اكتفي بالقصيده لكن بقول القصه معاها

المهم كان بقيصه الغروب الله يرحمه موجود بالصفيري وضاعن نياقه كلهن ومن ظمنهن ناقه اسمها العليا وهي غاليه عليه حيل وهي من سلاله قديمه حيل المهم من حرته جا يفزع ربعه
وهم هني بالديره وهو من كثر ماهو متأثر على نياقه مرض راحوا فليفل الغروب وغصاب المسعد
وكان عند غصاب المسعد سياره وراحوا يفزعون حريفان الشقعان وهو كان بالبر يعني مو بالديره
وفعلا هم ماقصر خلى حلاله وراح معاهم والمهم ترى مو سهله لانهم راح يدخلون الحدود يعني تهريب والعسكر على طول دورياتهم تفتر على شان جذي كان يمشون بالليل والليتات مسكره
والعم بو سمري هو اللي يدل فكان هو اللي يسوق وخذو لهم يوم بليله وهم يدورون
لانه بو سمري كان متأكد انهم راح يلقونه هناك لان فيه عوايل هناك تاخذ الحلال اللي ضايع
وتظمه لحلالهم..
المهم وصلو بليل ..ابو سمري كان مسوي معروف قبل سنه لواحد اسجنوه العسكر بالمطلاع وكان صغير وماله احد وانسجن مع مجموعه طلعوا هالمجموعه الا هو لان ماله احد وابو سمري كان جاي بالصدفه ولقى خال هالولد يبجي وهو مايعرفه لكن ماقصر وكلم العسكر وطلعوه اسم الولد جبار العويلي..
نكمل قصتنا الاولى وراح تعرفون ليش قلت الثانيه الحين ..
مثل ماقلت وصلو بليل ويشوفون جدامهم بيوت شعر بس مابغوا يجونهم لان فيه خطر عليهم
نزل بوسمري يصلي ونزل العم غصاب والعم فليفل نزلو من السياره معاه والا يجيهم واحد
شافهم من اهل هالبيوت وقرب منهم وكانت عينه على العم بوسمري وسألهم قال هذا حريفان
الشقعان قالوا ايه ويروح لاهله بسرعه وتجي امه معاها اهل هالبيوت وهن يهللهلن
وقامت تحب ايدين بو سمري وتدعيله طلع هالولد هو جبار اللي طلعه بوسمري والله وماقصر ضيفهم وذبح لهم ويوم خلصو عشى سأل ابو سمري ليش جايين قاله السالفه وقاله جبار انت لك من النياق شي قال لا انا جاي فزاع ورد عليه الولد وانت من اهلها ياعم بوسمري وطلب ياخذ معاه راعي الحلا ل وهو فليفل وراح لناس منهم يدري ان الحلال عندهم وطلبهم وقالهم انه
لازم يعطونه نياقه لان مايقدر يرده وهو من طرف ابوسمري وفعلا عطوه الحلال وردو فيه
بفضل الله ..ماشالله على اهلنا قبل صج ناس قلوبها على بعض ..

فقال فليفل هالقصيده ببو سمري لانه فزع لهم وخلى حلاله:

ياشوق من تردع اشفيه..
ياخالنا ماتناسانا..
حريفان ياشوق نشميه..
خلى شياهو وبدانا..
الجيب يشر على الميه ..
ربي عن العوق تاقانا..
بكرتك عند العويليه..
جبناه والرب جدانا..
ياليت من كز برقيه..
للشايب اللي ترجانا..
وفيه قصيده ثانيه هم للعم بوسمري قايلها العم بو مطلق لنفس الموضوع ..

وحياكم الله ويارب ماكون طولت عليكم بس اعجبتني القصه فحبيت اذكرها..

[اخو وضحه الدويجني]

ونعم بابو سمري


واللي يسوي خير اكيد بيلقاه



واشكرك يا بنت العم على طرح هالمواضيع المتميزة

[النوخذة]

والله والنعم فيهم جميعاً قصة جميلة وقصيدة اروع .....

من وين ماتمر "نبهانيه" مميزه ....بارك الله فيك على النقل المفيد ....

[نبهانيه]

ولد العم حمود حياك الله ,,,ونورت الموضوع بمرورك... ومثل ماقلت اللي يسوي خير يلقاه..

ولد العم النوخذه شرفتني بهالمرور وماعليك زود ..وهذا بعض ماعندكم وفعلا نورت ...

ولد العم خويران الكثيري ياهلا فيك وماقصرت على هالمرور والرد الرائع ...

[غدى الشر]

تسلمين على الموضوع ومشكوره وياليت تجيبين قصايد اكثر والله لا يهينج ومو غريبه على ابو سمري الطيب ومو غريب الطيب على راعي الطيب

[سلمان]

مشكورة ياكثيـــــــــــــــــــــرية على هالموضوع الجميل ......وننتظر منك المزيد

[نبهانيه]

منور ياسلمان وشاكره لك مرورك وان شالله يكون القصيد عاجبك..حياك الله

[نبهانيه]

اخوي غدى الشر حياك الله ..ونورت الموضوع بمرورك ...وان شالله اي قصيده اجيبها على طول اكتبها وتامرون امر...

[مسكاوي]

مشكورين على القصيدة شو حلاته

[نبهانيه]

]حياااااااااااك الله اخوي مسكاوي وشاكره مرورك ...نورت الموضوع ...

[المظهري اللامي]

لولا انه يستحق المدح لما مدح

وتسلمين على النقل والطرح الموفق

[الخالد]

يعطيج العافيه

[الخالد]

بعد نبي اكثر :)


مشكوره

[سلمان]

ما اقول ......الا والله بنت ارجـــــــال......تسلمين

[الخالد]

يعطيج العافيه

[نبهانيه]

ابناء العم المظهري ..اصيل ..نورتو الموضوع بمروركم العطر وحياكم الله ...بس ترى هو ماهو منقول انا... قاعده ادور عن القصص والاشعار القديمه من شيبان الجماعه وحريمنا الكبار ......وتستاهلون ....يالكثران...

[الخالد]

يعطيج العافيه

[نبهانيه]

اخوي اصيل الله يعافيك ...ووشاكره مرورك ومشاركتك العطره...

[نبهانيه]

للرفع...حتى يتسنى للجميع للقراءه....
نبهانيه..

[عثمان الشقعان]

الله يرحم بقيصه وفيفل الغرووب ويطول عمر شيبان الكثران
والله يعطيج العافيه على هذي المواضيع

[غدى الشر]

اول شي ارد واقول مره ثانيه الله يعطيج العافيه على هالموضوع وياليت تجيبين لنا سوالف بعد والله ان هالسوالف ونيسه ولا تقاطعينا ترى جد فاقدينج وفاقدين مواضيعج هاذي ودمتي بخير ومحبه

[عادل الدعاس]

مثل ما قال النوخده وين ما تمر نبهانيه متميزه
الله يعطيك العافيه

[بن شقعان]

السلام عليكم ورحمة الله وبركاته ....
في البداية اشكر الاخت نبهانيه على نقل القصه . ونرجوا ان نقرأ قصص وقصائد لفرسان وشعراء القبيله .
يعطيكم العافيه وما قصرتوا .

[العندليب]

http://alkether.com/up/files/pic.php?rand=b6cbbc2caf0c16e9c3c62fb8826927f4

قصـــــــة جميــلة وفي غاية الجمــــال

ولا .. تتوقفين
والمزيد المزيد من هالقصص الرائعة

http://alkether.com/up/files/pic.php?rand=b6cbbc2caf0c16e9c3c62fb8826927f4

[هبوب الريح]

يعطيج العافيه

[المظهري اللامي]

الف عافيه لك

[المظهري اللامي]

يعطيك العافيه

والف عافيه

وقصيد مهم وجميل لانه من ضمن الموروث الكثيري

[المظهري اللامي]

تسلمين وبارك الله فيك

والله يرحم الجميع

[محمد بن سعد الشقيم]

كوكتيل رائع ونطمع بالمزيد من الجميع

[تركى]

ليت الزمان يعود يوما !!!!

افتقدنا الكثير من كاتب وناقل وحريص وامجاد وتاريخ وتوثيق !!!

[عزوتي بني لام]

الله لايهنتس
على نقل القصيد
جزاتس الله خير وماقصرتي على الجهد

[خالد الكثيري]

مشكووووووره والله يعطيك الف عافيه