ربعن ..تعاونوا..ماذلوا..

[نبهانيه]

بسم الله الرحمن الرحيم...

للكل ربعن تعاونوا ماذلوا..

فعلا خلونا نتعاون مع بعض فكلنا نعرف اسباب افتتاح هالمنتدى الغالي ومثل مااحنا عارفين
هالمنتدى صار المتنفس للكثير منا ونقضي فيه اكثر وقتنا ونتشارك مع بعض بالمعرفه وبالمعلومه
وبالمزح
وكلنا اخوان وعيال عم ..ونبي الافضل لمنتدنا ونبيه يكون فخر لنا جدام الكل والاحسن بين المنتديات لذلك شلون نخليه يكون الافضل والاحسن...يااااااااااااااااااااااارب

اولا_
لازم نشجع بعض وخصوصا الجدد..
وكلنا تقريبا جددوكلنا ودنا اذا كتبنا موضوع ان الكل يرد علينا ويشجعنا صح والا لا..اكيد صح
ولان بتشجيعنا لبعض فاننا نشجع على الابداع واحنا نشوف ان عندنا مبدعين كشعار وككتاب
وهم ككوميديان ..وان شالله يطلع من هالمنتدى كتاب متميزين في اي مجال..

ثانيا_
اذا تبي الناس ترد عليك لازم تشارك ..والا شلون يكون بينا تواصل ومشاركه..
يعني ياليت اللي يقرى موضوع يرد عليه..ونكون شاكرين ...للتشجيع طبعا...

ثالثا_
ياليت نحاول نكتب مواضيع بجهدنا وترى المستفيد كاتب الوضوع لان بأذن الله اذا كان الموضوع
شيق راح ينتشر في اكثر المنتديات..فاكتب معلومه او انقلهامن كتاب او مجله...

رابعا_
التواصل بين اعضاء المنتدى اللي يمرض والا يسافر نسال عنه ..وفي الافراح نهنيهم والاحزان
الله لايجيب احزان نواسيهم..

خامسا_
نبي رقي...في الحوار
يعني المواضيع والحوارات الجاده يكون الرد فيها جاد حرام الناس تعبانه وتبي رد جاد وهادف
مو تخريب للموضوع فرجاء لازم نفرق الجد جد والضحك له اقسامه...

واخيراااااااا..

ترى المنتدى مو بكثرتنا كثر ماهو بتواصلنا وترابطنا يعني نكون على قلب واحد ونتعاون
من اجل تحقيق اهداف هذا المنتدى...
والله يوفقنا....اااااااااااامين

ولكم خالص شكري وتقديري اختكم....
نبهانيه.... :rolleyes: :rolleyes::rolleyes: :rolleyes:

[المراقب العام]

الموضوع جميل جدا

[نبهانيه]

اخوي خويران الكثيري واخوي admin نور الموضوع بمشاركتم وشاكره مروركم

وان شالله الكل يقرى الموضوع ويطبق اللي فيه ويصير منتدانا من احسن المنتديات.. :rolleyes: :rolleyes: :rolleyes:

[السراج المنير]

كلامج ذهب يالنبهانية00وعين العقل 00 أأيدج بقوة وبارك الله فيج0

[النوخذة]

بارك الله لنا بك .....نويدك ونتمنى من الجميع التفاعل ..مع اخوانهم.....:)

تحياتي لك ولقلمك الصادق
:)

[الكثير]

مشكوره يالنبهانيه على الموضوع ..

وفعلا نحتاج كتاب اكثر من قارئين..

كلامج عجبنى بس عندى اضافه بسيطه ياليت لو نركز على أقسام معينه مثل...

منتدى ديوانيه آل كثير..
منتدى أنساب وتاريخ آل كثير..
منتدى شعراء وفرسان آل كثير ..

الانها بنظرى هى الاقسام اللى تركز على القبيله وباقى الاقسام توجد بكل منتدى ثانى وتكون عامه بطرحها..
بس هالاقسام خاصه للكثراان..
وحنا اهنيه عشان نعرف اكثر عن قبيلتنا ..

وجهه نظرى طبعا الان أنا شخصيا أتابع هالاقسام وباقى الاقسام للاسف متابعتى فيها قليله..

وبينى وبينك:( أتضايق لما اشوف متابعه لموضوع عادى وتهمل المواضيع المهمه..

بس مو مشكله مع الايام رح نكسب ناس مثلكم وشرواكم والمنتدى للحين جديد..

ولج جزيل الشكررر على طرح هالموضوع..

[نبهانيه]

اخوي السراج المنير شاكره مرورك وماقصرت والذهب كلامك اللي يشجع..

اخوي النوخذه هذا واجب الكل واسعدني مرورك وتأييدك لكلامي ومنورين بهالردود...

اخوي الكثير نور موضوعي بهالمشاركه وفعلا كلامك هالاقسام هي المهمه وتبي

ناس تقرى وتشارك وعلى هالطاري حبيت اقولك اني بعد بحث وتحري مني انا يا بنت عمكم

ولمصلحة الكثير اولا والمنتدى ثانيا كنت ابي اعرف قصايد لاهلنا اواحداث فاخبرني خالي عسى

عسى الله يطول بعمره انا اذا نبي هالاخبار وهالقصايد راح نلقاهم عند اثنين وهم العم

عبدالله الشحاذ ابو فهد والعم ضاحي العجاجي طول الله بعمرهم فياليت احد يروح ويسجل لهم

وخصوصا العم ابو فهد لان اكثر من مصدر اكدوا على حفظه للكثير من الاحداث والقصايد

والله لو بيدي رحت بس اترك لك هالمهمه..وماقصرتو جميعااااااااااا :rolleyes: :rolleyes::rolleyes: :rolleyes:

[برق الوسم]

موضوع رائع



وياليت تكتبون لنا قصص من حياة اهلنا

..


ونبي المصادر تكون من كبار السن احلى وامتع


..

[نبهانيه]

حياك الله ونورت بردكم ..وانتو تامرون امر وان شالله بتكون فيه مواضيع من هالنوع

وتحياتي للجميع... :rolleyes: :rolleyes: :rolleyes:

[مشعل]

شكرا على الموضوع المهم

واعتقد ان الادارة بصدد تنفيذ خطوة جديدة مع الايام القريبة المقبلة تعزز من قوة المنتدى

وهناك فكرة بصدد التنفيذ حاليا ستنال على اعجاب الجميع

ولكل حادث حديث

:)

[يزيد الكثيري]

أهنيك على الموضوع

الذي يبث الحماس لجميع المشاركين

وأتمنى التوفيق للجميع

[نبهانيه]

اخوي مشعل حياك الله وشاكره مرورك والله يوفقكم..

اخوي يزيد نورت الموضوع وحياك الله وشاكره مرورك..

[العنــ آخر ــقــود]

موضوع رائع ولو انه من المواضيع القديمة ولكن يستحق

ان يقرأه الجميع ..

:sha6er

ما قلتيه عين الصواب يا بنت عمّي ..

شكر كثيري لج و تسلم الأيادي :)

تحية نبهانية لج :ward

[كثيرية أم مطران]

السلام عليكم ورحمة الله وبركاته

أخيتي الغالية نبهانية

كلام أكثر من رائع .. و إذا طبق إزداد روعة و جنينا الفائدة

[حاتمية]

مشكوووووور والله يعطيك الف عافيه