إقتراح للكثراان أتمنى الاطلاع عليه [الأرشيف] - منتديات قبيلة آل كثير اللامية الطائية

ابن دعاس

11-11-2007, 07:40 AM

بعد السلااام....

الصرااحه جمعتنا حلوه بالمنتدى ويفرحني هذا الشي بس عندي اقتراح ربما البعض

يقول انه مو ذااات اهميه بس انا اشووف انه يعطي صييت للقبيله ويعرف ويشهر اسم

القبيله عند القبايل الثانيه اللي صار اسم القبيله ما ينعرف الحين وهذا الشي اجمعنا

عليه كلنا لما نقول حنا كثران البعض يستغرب يقول كثيري منين ظفيري والا فضلي

والا والا ...الخ والمعرووف انه الكثران قبيله بحد ذاتها ...

(أنا شكلي أطلت الموضوع عليكم )

الاقترااح:
اتمنى الصراحه من جميع الكثرااان يكتبون اسم الكثيري بجميع المناسبات

واعلاااانات الافراح الله يديم الافراح لنا والصرااحه انا ما أشووف اسم الكثيري موجود

بأغلب اعلانات اللي يكتبونها الكثرااان البعض يحط اسم العايله بس والبعض يحط

القبيله اللي هو مسجل عليها بالجنسيه

ربما البعض يقول انا مو مسجل بالجنسيه الكثيري حتى لو مو مسجل هذا الشي راح

يخلي الناااس تتعرف على قبيلتك .

وهذا الشي راح يعطي شهره للقبيله ويتعرفون عليها النااااس .

مثاال : أفراح (العااااايله ) يتشرف فلان فلان الكثيري

أمنيه: اتمنى العمل بالاقتراح هذا وطرحه على الشيباان وعلى الكثراان اللي ما

يدشون المنتدى وأنا متأكد انه محد راح يزعجه هذا الشي واكيد راح يفرحكم .

وسلااااامتكم

أماليد

11-11-2007, 04:37 PM

تسلمــ ايدكـــ ويعطيكــ العافيه

بالنسبه للأقتراح أنا اضم صوتي لكـــ ... بس في مشاكل معينه

1_أنتقادات الكثير مثل ( توهم يعرفون أصلهم وين كانو طول هالسنين !! وليش فجاءه

طلعو !!! ......الخ

2_أنتشار الشائعات وماحب أذكر أمثله فيها

3_بعض أفراد الكثير أنسبو أنفسهم للفضول والبعض للظفير (فمايصير بيوم وليله يقول

لربعه وناسه أنا كثيري ( يضع نفسه بمكان محرج... أهو بغنى عنه)

4_ الجنسيه ....( الكثير حاليا يعترف باللي مكتوب بالجنسيه وبس واذا شرحت له

الموضوع جايز يصدق وجايز لا )

ومن ناحية أخرى

ممكن يخدمونا بالموضوع فئه معينه ... اللي أهم شعراء الكثير ( مشاءالله واجد)

لو كل شاعر نزل قصيده باسم فلان الكثيري أو.... كتب قصيده بالكثران ونزلها بجريده , مجله , منتدى او حتى بدوانيه

هذا كفيل بأن يعطى شهره للقبيله والناس بعدها اهي بنفسها تبحث عن القبيله وبهذا

نكون وصلنا لهدفنا من غير أنتقادات او اشاعات.... ونوفر الاحراج على أنفسنا

وجهـــة نــظـــر من أختــكــمـــ
تحياتي.. أماليد

نبهانيه

11-11-2007, 09:07 PM

نعم الرأى يابن دعاس وماقصرت..لكن الاعتراضات راح تبدى
وانا وحده من الناس حاولت مع اهلي انهم يكتبون الكثيري في مناسبه لنا لكن مارضوا للاسباب اللي ذكرتها اماليد مشكوره فلازم يكون فيه اتفاق بين الكل وان شالله خير ...

برق الوسم

11-11-2007, 09:26 PM

وجهـــــة نـــــــــــــــظــــــــــــر

نوف

11-11-2007, 10:15 PM

الظاهر ان الشباب موعاجبهم الموضوع :confused:

اشوف الردود كلها نسائيه :D

....

عواد بن هويدي المناع

11-11-2007, 10:22 PM

كلامك 100 % صح يا بن عمي واتمنى انه يصير هالشيء بس فيها صعوبه لانهم يقولون اناا خلاص مسجل بالجنسيه القبيله الفلانيه واعرفوني ليش اكتب الكثيري وهذااا الي حاصل الحين...................................ومشكوور على الاقتراح يابن عمي
والاقترااح هذااا مكااانه بقسم الاقتراحات ارجوو انكم تنقلونه لقسم الاقتراحات

بن شديد

12-11-2007, 01:43 AM

ابن دعاس كلامك صحيح
ومشكور علي الاقتراح اللي لو كل واحد يبدأ بنفسه من الجماعه راح تلقي الكل الجماعه حاطين الكثيري

والاعلان بين في عرسكم الاخير اسم الكثيري منور الاعلان

ومشكور علي الفزعه والحميه اللي نبيها عند عيال الجماعه كلهم وبدون استثاء

كثرنتوش

12-11-2007, 01:54 AM

اقتــــراااح طيب

..
.
.
.
.
.
.

الكثير

12-11-2007, 01:58 AM

اشكرك يابن دعاس على اثاره الموضوع...

كلامك مضبوط ياليت الاخوان يعطونه حقه بالنقاش وكل شخص يمر على الموضوع يرد ولا يطنش...

الانه من المواضيع المهمه اللى تساعد على بروز اسم القبيله...

غدى الشر

12-11-2007, 04:44 AM

ونعم الراي يا ابن دعاس لكن يا جماعه في اشياء محسوبه علينا :
في ناس مثل ماقلتو بالجنسيه مسجلين بغير اسم الكثيري ونكون صريحين شوي اكثر جماعتنا سواء ربعنا الكثران ولا ربعنا الفضول بدون هالسالفه والمشاكل ماتخلص ويمكن عندكم يا اهل الجهرا الوضع غير لكن بالمنطقه العاشره الوضع مكهرب شوي يعني بدون سبب في مشاكل انا ما اقول مشاكل عامه لكن في مشاكل ولله الحمد ان الكثران اذا تسموا باسم يرفعونه وانشالله مافي بالكثران من يوطي الراس كلهم خير وبركه لكن كل شي يجي بالتدريج انتو تجمعو اول بعدين سجلو والله ان نص او ثلاث ارباع الجماعه اللي بالمنطقه العاشره مايعرفون ربعهم اهل الجهرا والمناطق الثانيه . يعرفهم بس بالذكر لا اكثر والف شكر على الراي وتقبلو مروري وهذي اول مشاركه لي لان الموضوع شدني واسمحولي على الاطالة

السراج المنير

12-11-2007, 06:53 PM

الاقتراح أكثر من ممتاز وإذا تطبق راح يكون أول شي يطلِع اسم القبيلة ويفرضه بين الناس وعشان الناس تألفه وتتعود عليه داخل وخارج القبيلة باسلوب ودي وبدون مشاكل ومافي شي بالقانون يمنع أي انسان إنه يلقب نفسه بأي لقب يبيه دام خارج الأوراق الرسميةليش التخوَف وليش الافتراضات السلبية بأن هذا راح يزعل وهذا راح يعيِب وهذا راح ينتقد وبعدين حنا لازم نتحمل ونضحي وأحيانا نطنش يقول الشاعر : "ومن يطلب الحسناء يغلها المهر"

ابو محمد

12-11-2007, 11:29 PM

شي يفرح هذا الاهتمام والوفاء للقبيلة . وعلى ما اظن ان الاخ المقترح والاخوان الذين قاموا بالرد جميعهم من الكويت .
والقبيلة ولله الحمد والمنه عندنا في السعودية معروفه والجماعة يلحقون اسم الكثيري في كل ما يخصهم سواء في البطاقة الشخصية او في دعوات المناسبات او في الاعلانات حتى على لافتات المحلات فهو معروف.

السراج المنير

13-11-2007, 01:53 AM

فعلا أخوي(أبو محمد من السعودية) حنا كثران الكويت اللي نعاني من هالمشكلة00 مشكلة اندثار اسم القبيلة00,تخيل عشرات العوايل ومئات الافراد من القبيلة ولافيهم شخص واحد يحمل اسم الكثيري مع الاسف0000أنا مؤمن إن كل عقدة ولها حلال لكن ياترى متى يدرك ويعي حلال مشكلتنا المشكلة أو00 يدركون0

مرعيد الكثيري

13-11-2007, 10:22 AM

اقتراح جميل من ابن دعاس ....
وانا ما اشوف اي مانع يمنع , حتى لو مسجلين على اي قبيلة , والحين بدا الناس من القبايل الاخرى يعلنون افراحهم باسماء افخاذ قبايلهم وخلوا قبايلهم. فيقولون قبيلة السبعة وقبيله الصمده وقببلة العصمة وهى افخاذ او بطون من قبيلة .
وبعدين الشغلة صعبة اول شئ وبعدين تصير عادية جدا. ويرتاحون عيالنا , وحنا نبني للمستقبل . ومع الوقت راح تشتهر القبيله ومحد يسأل عنها .
والاعلانات مهمة حيل بالوقت هذا .وموضوع التسجيل بالجنسية راح يجي وقته .

واشكر الجميع على المشاركة............

المهر الاصيل

13-11-2007, 10:03 PM

اقتراح أكثر من رائع ..
وما أعتقد ان أحد راح يزعل اذا وضع اسم الكثيري في اعلانات الأفراح ..
وراح تكون بداية قوية للتعريف عن قبيلتنا كخطوة أولى لتغيير الاسم في الجنسية ..
ولكن ما نرجوه هو أن تطبق هذه الفكرة ..

الزعيم

14-11-2007, 07:28 PM

اقتراح مظبوط ميه بالميه ومافي اي مانع وانشالله بعروسنا الجايه راح تشوفون باول عرس عندنا اسم الكثيري موجود بالاعلان واضن انه كلنا شفنا اسم قبيلة الكثيري موجود بعرس الدعاس وهذا الشي المفروض يفرحنا ولازم نصير ايدهم الثانيه حنا لانه ايد وحده ما تصفق

ومشكور يابن دعاس على الاقتراح

الشيخ بن بصيص

14-11-2007, 09:06 PM

صراحه اقتراح جدا جدا ممتاز وشدو حيلكم "ويد مع يد تصفق" بالنسبه لي انا وربعي كلهم معروفين باسم الكثيري وهذا شي افتخر بربعي فيه لانهم ماهجروه من يوم ماطلعو على الدنيا ماسكين اراضينا وقبيلتنا ومعروفين عند القبايل اللي حولنا ان الديار واهل الديار كثرااان ولايحسبون ان فيه كثران غير حنا لان اللي يقهرك في بعض العوايل مايكتبون الكثيري بل انه فيه فخوذ مايكتبون الكثيري يكتفون باسم الفخذ مدري هذا جهل منهم عن انتسابهم في القبيله اوغيره بس حسب علمي انهم يجهلون لاني قابلت عدد من حل العوايل واذا سئلته عن اصله يقول انـــــــــــــــــــــــــــــــــــــــــــا حــــــــــــــــــــــــــضــــــــــــــــــــــ ــري
فارجاء لكل كثيري مايكتب اخر اسمه كثيري انه يكتب اوينفصل من القبيله والله يسهل عليه!!!
بالتوفيق للجميع والعذر والسموحه لان الاسلةب شوي جاف

الزعيم

14-11-2007, 10:23 PM

غدى الشر شنو يعني محسوبه عليك يعني اذا كتبت الكثيرى في احد يبي يحاسبك ؟ في ناس واجد غيرك مافي احد يقد يحاسبه

الكثير

14-11-2007, 10:29 PM

بعد راسى والله .. يابن بصيص اشهد انك ذيب....

بس توضيح اذا ممكن للشباب... التغير مو بيوم وليله وحتى لو فيه قناعه بالغيير فيه اجراءات لازم تصير وروتين ممل..

بالنسبه الاشخاص اللى مايعرفون انهم كثران ويعدون نفسهم حضر ....

وانا اخوك اللى مايبينا مانبيه والكثيريه مهى واقفه على هالنوعيه هذى..

بس اذا كان جهل منهم واجبنا اننا نعلمهم عن اصلهم..

والهدف من تجمعنا بالمنتدى التعريف والتعارف...

النوخذة

14-11-2007, 10:49 PM

بارك الله بالجميع ....وجعلكم على القوة ...وشدو حيلكم ياربعي .....
نبغى نشوف اسم "الكــــــثيري" يرفرف بالكويت ....والخير والبركة بالشباب...

ونعم الراي يا ابن دعاس لكن يا جماعه في اشياء محسوبه علينا :في ناس مثل ماقلتو بالجنسيه مسجلين بغير اسم الكثيري ونكون صريحين شوي اكثر جماعتنا سواء ربعنا الكثران ولا ربعنا الفضول بدون هالسالفه والمشاكل ماتخلص ويمكن عندكم يا اهل الجهرا الوضع غير لكن بالمنطقه العاشره الوضع مكهرب شوي يعني بدون سبب في مشاكل انا ما اقول مشاكل عامه لكن في مشاكل ولله الحمد ان الكثران اذا تسموا باسم يرفعونه وانشالله مافي بالكثران من يوطي الراس كلهم خير وبركه لكن كل شي يجي بالتدريج انتو تجمعو اول بعدين سجلو والله ان نص او ثلاث ارباع الجماعه اللي بالمنطقه العاشره مايعرفون ربعهم اهل الجهرا والمناطق الثانيه . يعرفهم بس بالذكر لا اكثر والف شكر على الراي وتقبلو مروري وهذي اول مشاركه لي لان الموضوع شدني واسمحولي على الاطالة

هلا وغلا بخوي "غدى الشر" ودي تفسر لي كلامك "اشياء محسوبة علينا "؟؟
وفسرها لي بالتفصيل الممل ...."النوخذة" جنت جنونه ...:cool:
تقبل ارق واجمل التحايا
محب الجميع
:)

ولد عيد

16-11-2007, 05:28 AM

أحيي ابن دعاس على الاقتراح

لكن عندي ملاحظه بسيطه وهي .... الأولويات

أعتقد أن كتابة ( الكثيري ) على البطاقات واعلانات الأعراس مع وجود اسم قبيله أخرى بالتسجيل الرسمي سيشكل عامل تشتيت للأجناب :confused:

تخيل أن الناس تعرفك في مكان عملك أو دراستك أو منطقتك باسم قبيله معينه ( وهذا ما يحصل الآن ) .... فيقرأ اسم الكثيري على اللوحه والبطاقه .... فينسب الكثران الى تسجيلك الرسمي على اعتبار انهم عائله او فخذ :o

كتابة الدعاس لاسم ( الكثيري ) في مناسباتهم شيء طيب و مفهوم كخطوه أولى لأنهم ( حسب ما أعرف ) غير مسجلين لأسم قبيله أخرى رسميا .... لكنه غير مفهوم لمن سجل اسم قبيله اخرى

ما أقصده أن اضافة (الكثيري) بالتسجيل الرسمي أولى وأنفع للكثران من اعلانه بأي مكان حيث سيشكل أكبر اشهار واعلان لاسم القبيله :cool:

وشكرا

غدى الشر

16-11-2007, 06:33 AM

كائن حي

16-11-2007, 07:42 AM

اقتراحك واجب تطبيقه يا اعيال العم ودنا اسم الكثيري بسرعه ينتشر ملينه من كثر مانقول الكثيري يقولون شنو هذا اصل جديد مانعرفه اول مره نسمع فيه واللي يكون فاهم شوي يقولك شنو انت ظفيري ولا فضلي:)

النوخذة

16-11-2007, 10:01 PM

اول شي اسمحولي على الاطاله لاني كنت مسافر واليوم رديت اول شي يشرفني اني ارد عليك اخوي النوخذه وانا اقولك شنو المحسوب علينا الخطا مو خطانا حنا خطا ابائنا واجدادنا اللي تسموا باسامي مو اسامينا يعني ما انكتب الكثيري منو فيكم من طلع على الدنيا اذا سالت احد وقاله شصله ماقال ان اصله اللي مسجل شلون بيوم وليله اقول للعالم اني مو الفلاني اني كثيري اللي يدري اني كثيري القريبيين لكن بالدوام والمعارف العامه يعرفون اني من الفلاني اللي هو بالتسجيل فياجمعه الاول خل العالم تعرف بعضها اكثر بعدين ممكن نكون جماعه ونغير مو شخص بروحه اللي يقوم بالتغيير وشاكر لكم

هلا بك يا ولد "العم " والحمدلله على السلامة.....واشكرك على تواصلك وتوضيح ماكانت اجهله ..

A0522D]
وعوداً الى الموضوع .. ومع انه يحزننا ماتفضلت به وهو انتسابكم الى غير "الكثيري"...
ولكن كلي ثقة بانكم لستم راضين على هذا الوضع ...اذا لا ولن نتكلم بالماضي ولن نرمي
المسئولية على هذا وذاك ....فل نتوقف قيلاً ونبتعد عن العوده الى الماضي ....
المسئولية الان "مسئوليتنا نحن "الشباب " فالماذا لا نتحرك لكي لا يرمي ابنائناء في المستقبل
القريب المسئوليه علينا نحن ....لماذا لا نصحح وضعنا الذي لسنا براضين عليه ...!
فاتمنى وكلي ثقة بكم بعد الله لو وقفتو وقفت رجال واحد وبقلب واحد ونفوس صافيه
فانها لن تعجزكم ...فلايصعب على الرجال امثالكم هذا "السهل ".....![/size]

اتمنى ان تسئالو انفسكم ...!

لماذا لا نصحح وضعنا ؟؟
كيف نصحح وضعنا ؟؟

وحين تجدون الاجابات سوف تجدون "الحل"...:)

تقبلو احترامي وتقديري..
محبكم
:)

غدى الشر

17-11-2007, 02:33 AM

حياك الله يالنوخذه واللي ايدها بالماي مو مثل اللي ايده بالنار ودمتم بصحة وعافيه

ماجد بن حمد الكثيري

17-11-2007, 06:41 AM

السلام عليكم

اخواني شدني الموضوع كثيراً ولكن كما ذكر اخوي ابومحمد نحن في السعودية لانعاني من هذة المشكلة والتى لااعتبرها مشكلة لان الجميع يحمل اسم الكثيري في بطاقتة الشخصية او في كروت الدعوات لكن فيما يخص ابناء العمومة في الكويت فالبركة فيكم انتم المتواجدين با امكانكم حل هذة المشكلة بالاجتماع والاتفاق فيما بينكم بتغيير بطاقة الجنسية الى مسمى الكثيري ولااضن دولة الكويت ممثلة بحكومتها تعارض ذلك كونها تعرف قبيلة الكثران ومالها من دور تاريخي في الكويت بمساندة الاسرة الحاكمة فيا اخواني والله لو اجتمع خمسون شخص على الاقل من اهالى الكويت من مختلف الفخوذ وغيروا المسمى الى الكثيرى لتبعهم الجميع في ذلك ولكن يحتاجون الى الخطوة المقدامة المشجعة في ذلك لكم منا خالص التوفيق وان تتكلل جهودكم بالنجاح دائما

تركى

24-11-2007, 09:41 PM

~*¤ô§ô¤*~*¤ô§ô¤*~جزاك الله خييير~*¤ô§ô¤*~*¤ô§ô¤*~

الطائي

25-11-2007, 12:30 AM

لازم يكون في المناسبات والبطاقات الاحوال وكل شي تحتاجة لكي ينشر اسم القبيلة ولكم الشكر

الخالد

29-11-2007, 12:54 AM

كثيري 2008

29-11-2007, 01:02 AM

مشكووووووووووراخوي

((ابن دعااااااااس ))

على هالاقتراح الرائع

من جد انقهر من بعضهم لمااااايكتب اسم العائلة

ويترك اسم القبيلة ...

الخالد

29-11-2007, 01:21 AM

ياليتها على اسم العايله حنا صرنا بالكويت ننسب نفسنا لقبايل تثانيه:(

نواف الفارس

02-12-2007, 12:23 PM

السلام عليكم ورحمه الله وبركاته
كل الشكر لصاحب هذا الموضوع
ونشكره على الاهتمام برفع اسم قبيلته

عن نفسي
ارفض هذا الاقتراح لسبب واحد
لان لما كل كثيري يسجل باسم الكثيري
راح يقل عددنا نحن ابناء عمومتكم الفضول
لان انتم مكبرين عدد قبيله الفضول

:)

لا ترى امزح مو تصدقون

:)

بصراحه خوش اقتراح
ويهمنى والله لما الناس تعرف قبيله الكثير كسائر القبائل الاخرى
ولان قبيله الكثير لا تقل شأنناْ عنهم

والملاحظ ان بعض العوائل تكتب اسماء عوائلها وهي غير متواجد في البطاقه التعرفيه به
يعني عادي لما يقول الواحد او يكتب ان كثيري
وحتى لو كان مسجل بأسم قبيله اخرى
وحتى لو سأل يبين للسائل عن اسم قبيلته
وجذي اشوي اشوي يعرف الجميع بأسم القبيله اكثر واكثر

وليش نهتم كثيراْ بالقبيله الاخرى اللي مسجلين بأسمها وشنو راح يقولون
هذا تبرا منا والا شنو

بالعكس
المهم قبيلتي بالاول
ولازم ارفع اسمها وشأنها

وعن نفسي انا موافق على هذا الشي
وان شاء الله الجميع يبدأ بهذا الشي ولا يفكر بما يقال
ومع مرور الوقت راح يتعود الجميع على هذا الشي

صج مشكله
مو بس عند الكثير
حتى الفضول كذلك
هم قلل
ولما تكون هناك مناسبات يكتب العائله
:)

خلوها على الله بس

موفقين يارب