عرضة الكثران

[ابو نايف راعي الكايف]

بسم الله الرحمن الرحيم

فيض خاطر بمناسبة دعوتنا لحضور ملتقى الكثران الأول في عفيف

أذكـر الله والـي أفـضـال مـديـمـه ____أرحبوا ثم أرحـبوا يالحاضريـنـي
بيّض الله وجـه مـن قـام بعـزيمـه ____والجـماعـــة دون عـدٍ ثـايـريـنـي
مـن ريـاض العـز سلمان حكيمـه ____ لبـوا الـدعــوه لهـا مستأنـسـيـنـي
فـي حريـق الجود شجعان مقيمـه ____لين جاهم ضيف عوّد لـه حنيـنـي
فـي عفيـف لي بنـي عـم كـريـمـه ____وفـي الديـار البـاقية ياسعد عينـي
في ضريه طيب ورجال فهيمه ـــــــــــــــــــــــــــ حقهم وافي من الدنيا وديني
صـوت منـادي عفيـفٍ للــوليـمـه ____ومـن أهل مسكه مذبحة السمينـي
قـوطـروا مـن كـل فــج للـغنيـمـه ____يـاصـلون الـرحـم لله طـايعـيـنـي
مـن بـنـي لام وطـي الحــشـيـمـه ____الكــــثيري نافـلٍ فـي كـل حيـنـي
عـايشيـن بخـير وعـزوم قـديـمـه ____كاسبين الصيت بالسيف السنينـي
المـقـاصـد عـز والـنـيـه سـليــمـه ____ما يطيح مقـلّـهـم مـتـعـاضـديـنـي
رافعين من الوطـى عمود الخيمه ____في سبيل الله سهروا حـارسـيـنـي
الوطـن غـالي وتـفجيره جـريمــه ____والعـدو بمشـوك لـه نـاطـحـيـنـي
هـم بني عـمي مبشـمة الصريمـه ____لـلمـلـوك آل سـعـود مبـايـعـيـنـي
ماضي اجـدادي ملـوك مستقيـمـه ____وحاضر أولادي لبو متعب يميني
المــلك غـالي وأيـاديـه الكـريـمـه ____يالله انـك تنـصـره نصـرٍ مبـيـنـي
نـرفـع الرايـه ونحتـمي الـوسيمـه ____مـع رجـالٍ فـي الـوغى متمكنيني
يـاحسـيـن الـدل يازيـن البـريمـه ____فـدوتك روحـي وما تملك يديـنـي
العـيون إن سلهـمت شبيه الريمـه ____مـايسات القـد والمـبسـم حسـيـنـي
ستركن ضافي من رجال العكيمه ____لابـتـي ليـثــار دخــان مـتــيــنــي
ارجـي الله يشـفي قلـوب سقـيـمـه ____المـراكــب سـايـره والله عـويـنـي
والصـلاة ختـام في وقــت نقيـمـه ____للـرسـول اللي هدانا مـن سنـيـنـي


بقلم الأستاذ/ محمد بـن ناصر بـن راشد الكثيري
الحريـق _ الريـاض

ربيع الأول عام 1429هـ

["عِزّة كثرانـ"]

أذكـر الله والـي أفـضـال مـديـمـه ____أرحبوا ثم أرحـبوا يالحاضريـنـي
بيّض الله وجـه مـن قـام بعـزيمـه ____والجـماعـــة دون عـدٍ ثـايـريـنـي
مـن ريـاض العـز سلمان حكيمـه ____ لبـوا الـدعــوه لهـا مستأنـسـيـنـي
فـي حريـق الجود شجعان مقيمـه ____لين جاهم ضيف عوّد لـه حنيـنـي
فـي عفيـف لي بنـي عـم كـريـمـه ____وفـي الديـار البـاقية ياسعد عينـي
صـوت منـادي عفيـفٍ للــوليـمـه ____ومـن أهل مسكه مذبحة السمينـي
قـوطـروا مـن كـل فــج للـغنيـمـه ____يـاصـلون الـرحـم لله طـايعـيـنـي
مـن بـنـي لام وطـي الحــشـيـمـه ____الكــــثيري نافـلٍ فـي كـل حيـنـي
عـايشيـن بخـير وعـزوم قـديـمـه ____كاسبين الصيت بالسيف السنينـي
المـقـاصـد عـز والـنـيـه سـليــمـه ____ما يطيح مقـلّـهـم مـتـعـاضـديـنـي
رافعين من الوطـى عمود الخيمه ____في سبيل الله سهروا حـارسـيـنـي
الوطـن غـالي وتـفجيره جـريمــه ____والعـدو بمشـوك لـه نـاطـحـيـنـي
هـم بني عـمي مبشـمة الصريمـه ____لـلمـلـوك آل سـعـود مبـايـعـيـنـي
ماضي اجـدادي ملـوك مستقيـمـه ____وحاضر أولادي لبو متعب يميني
المــلك غـالي وأيـاديـه الكـريـمـه ____يالله انـك تنـصـره نصـرٍ مبـيـنـي
نـرفـع الرايـه ونحتـمي الـوسيمـه ____مـع رجـالٍ فـي الـوغى متمكنيني
يـاحسـيـن الـدل يازيـن البـريمـه ____فـدوتك روحـي وما تملك يديـنـي
العـيون إن سلهـمت شبيه الريمـه ____مـايسات القـد والمـبسـم حسـيـنـي
ستركن ضافي من رجال العكيمه ____لابـتـي ليـثــار دخــان مـتــيــنــي
ارجـي الله يشـفي قلـوب سقـيـمـه ____المـراكــب سـايـره والله عـويـنـي
والصـلاة ختـام في وقــت نقيـمـه ____للـرسـول اللي هدانا مـن سنـيـنـي


رائعهـ جداً .. :)

شكـــــــــــــــراً ..

[ابوعبدالعزيز العواد]

مشكوور يابو نايف

كلمات رائعه جداً جداً

ولقت تفاعل كبير جداً من الجمهور

[رحال]

بيض الله وجهك يا محمد بن ناصر عزالله انك شعللت ملتقى المظهر

بالعرضه وحضورك وحضور ال محمد كلهم زاد من جماليه الملتقى

[العسافي]

بيض الله وجهك ولا هنت

[اخو وضحه الدويجني]

صح لسان الشاعر

و يا سعد عيني بشوفكم يا الكثران

[تركي الكثران]

بيض الله وجه من شال العزيمه بالقصيده والشيل الهجيني
من حريق العز محمد حكيمه ولا هان اللي معه رايحيني

[تركي الكثران]

بيض الله وجه من شال العزيمة................بالقصيده والشيل الهجيني
من حريق العز محمد حكيمه .................ولا هان اللي معه رايحيني

[&(أسامه)&]

صح السانك يا بونايف وماقصرت بيضت وجيه آل محمد كلهم وعلمك غانم

والله اثلجت صدورنا بالشيله والصوت الرائع والقصيد الجزل..........

[أبو فيصل الحميزي]

تحية طيبة للجميع :

حقيقة قصيدة أبو نايف وشيلته كانت في غاية الروعه بدليل تفاعل الجميع معها وخفة دم أبو نايف الله يسلمه ومبروك عليه البشت يستاهل والله الهدية لقرم من قرم .. وصح لسانك يا أبو نايف .

أخوكم أبو فيصل

[ارقى سنود]

صـــح لسانك ولاهنت قصيده اكثر من رائعه
رائع رااااااائع راااااااااائع راااااااااااااااااااااااائع يابو نايف

[كثيري من الحريق]

صح لسانك يأبونايف
وبيض الله وجهك على الحضور والمشاركة

[ما يميزني لقب]

صح لسان من قالها
روووووووووووعه

[ابو بندر الكثيري]

قصيدة ابو نايف قومت الجماعة وبدون شعور

الله يعطيه الف عافيه على القصيدة

[عادل الدعاس]

الله يبيض وجهك يا بو نايف
صح لسانك......ذهب كلامك
عرضه مافي اروع منها

[ابو نايف راعي الكايف]

الإخوه المشرفون الكرام آمل اضافة هذا البيت بعد البيت الخامس
وفقكم الله ورعاكم حيث ان اهل ضريه يستاهلون ولا عليكم زود
ولا مانع لدي من ذكر اسم اي بلد مع البلدان المذكوره فكم وددت ان اذكر اسم كل بلد في بيت خاص به فأنتم يا الكثران تستاهلون اكثر ولا فيكم حيله

في ضريه طيب ورجال فهيمه ______ حقهم وافي من الدنيا وديني

[ابو نايف راعي الكايف]

عزة كثران
هذا واجب و وجودك هو الأروع

ابو عبد العزيز العواد
يابو عبد العزيز العز بوجودك وشكراً على التفاعل

رحال
الملتقى جميل بك وبآل مظهر وما انا الا واحد منهم

العسافي
انت الذي لا هنت يومك كويتي ...... غز لنا في ديرة ابن الصباحي

اخو وضحى
ولنا السعاده يا ستر وضحى ...... يومك قريت القيل في الشاشه

[ابو نايف راعي الكايف]

تركي الكثران

ابدا بحمد الله عظيم الجلالي .... واطرب واغني من سلايل لحوني
واقول يا تركي فداك الحلالي ..... الله يفكك من صدوف العيونـــــي


مهل الكثيري
صح بدنك يا بن عدوان ..... وانت المهل وبكل مهل يالكثيري


اسامه
صح بدنك يا شبل آل محمد الله يسعدك ويديم الافراح


ابو فيصل

ابو فيصل يا عريب الساس .... يا رايع في كلامه ليه
البشت يستاهله كل حساس .... عروق دمـه كثيريــه

[ابو نايف راعي الكايف]

ارق سنود
وانت اروع في سنودك عسى الطيب فالك

كثيري من الحريق
صح بدنك ووجهك ابيض

ما يميزني لقب
صح لسانك

ابو بندر الكثيري
بشعورهم قاموا محيني ..... كل الذي لبوا الدعوه
والف عافيه لك

عادل الدعاس
وانت ألماس المحبيني .... يا رايع يا بن دعاس

[فراس العروج]

صح لسانك يابو نايف وو جودك أضفى جمالية على اللقاء

[عثمان الشقعان]

صح السانك على القصيده الرائعه والله لايهينك

[ابو نايف راعي الكايف]

فراس العروج
صح بدنك وجودك هو الاجمل



عثمان الشقعان
صح بدنك وجودك هو الأروع

[قبـــاني الكثيـــري]

صح لسااااانك ولد عمي

ومو غريب عليك هالتميز

يسلم راسك

[فهد بن إبراهيم اليحيان]

صـــــــــح لســـــانك ياولد العــــم قصــيدتن جزلة عزالله إنك شعللت الصـــــــالة وهيضت الشياب قبــــــــــل قبــل الشباب

بيض الله وجهك

بيض الله وجهك

بيض الله وجهك

تقبل مروري .

[راعي المجاهيم]

ونعم والله يابو نايف وصح لسانك

والوعد عند المجاهيم

[بن كثير]

تسلم ولا هنت والعرضه كانت جميله جداً

[ابو نايف راعي الكايف]

تسلم يا قباني الكثيري
وتميزي بكم وبلقياكم وصح بدنك




ووجهك ابيض يا فهد يا وجه السعد
ولولاكم ما تهيضنا

[ابو نايف راعي الكايف]

راعي المجاهيم
والنعم بك وبكل كثيري
ارحب وحياك الله والوعد عهد




بن كثير
الله يسلمك وانت الأجمل

[باسل محمد الشقيم الكثيري]

صح لسانك ويعطيك الله الف عافيه

[العواد]

بس لو كنا دارين وجبنا سيوف معنا

لاكن الملتقى القادم ماعنك وعن العرضه يابونايف

وياليت تشرفنا بالهلاليه

[المناع الكثيري]

صح لسانك يابونايف على الشيله الحماسيه
كثران يعز ابوي وجدي

[خالدبن ناصر]

ابو نايف راعي الكايف
سنعوس زين الوصايف

[مسكاوي]

صـوت منـادي عفيـفٍ للــوليـمـه $ ومـن أهل مسكه مذبحة السمينـي


كفو يابونايف وبيض الله وجهك

ورايتك بيضاء يابونايف حتى ما شاء الله عليك

خليت شيبانا يلعبون ويعطيك الـ1000ـف عافية

وتقبل تحيااااااااتي

[غالب بن دعيج الكثيري]

بيض الله وجهك ياولد محمداشعلت الحظور وصح لسانك يابونايف

[سلطان علي الكثيري]

صح السانك واعتلى شانك

[ابو نايف راعي الكايف]

باسل محمد الشقيم الكثيري
صح بدنك والله يعافيك



العواد
انتم سيوف الدار من دون بتار ..... وانتم ذرانا من هبوب الشمالي
ودي بجيتكم على سبر واطيار ...... حب الهلاليه لجا في الخيالي
دار لابن عواد عز لمن زار ...... فيها الكثيري مرخصٍ الحلالي




المناع الكثيري
صح بدنك عزيز وغالي



خالد بن ناصر
اشكرك على اطرائك الجميل


مسكاوي
الجيب الابيض شب ناره بجنبه ..... متحري للضيف والا المسافر
جيب الكثيري كل ريع يذ بـــــه ...... يقوده اللي للمسافات خابر


غالب بن دعيج
وجهك ابيض وصح بدنك


لام 6
شانك اعلى وصح بدنك