" شـــــاطـــر " في دائرة الضوء .....

[دايم السيف]

عضو تميز بهدوئه وإبتسامتة التي دائما لا تفارق محياه
هذه الإبتسامة التي دائما ما تعكس الشخصية الحقيقية لهذا الرجل ،،
تميز دائما بحضوره ومواضيعة التي تعكس حبه لهذا المنتدى الجميل ,,
تميز ايضا بجهده الكبير مما دعا الاعضاء لتلقيبه بالجندي المجهول ,,,


ضيفنا في هذا المتصفح اليوم هو الأخ والزميل العزيز

شاطر ,,,

نرحب بك في دائرة الضوء
وأرجو أن يتسع صدرك لموجة الأسألة الكثيرة

ابدأ بأسألتي الشخصية ،،

1_ البطاقه الشخصيه كما تعودنا دائما ,,

2_ رأيك بهذه العبارة " يقولك بيسوون الكويت 100 طبقاااات " ؟؟ :p


السؤال الأخير ..
أكمل الفراغ بعضو مناسب

عضو يموت بالأكل =
عضو 24 ساعة تشوفه =
عضو صاحب مزااااااااج =
عضو راعي دقات ومقالب =
عضو تحس إنه شايب =
عضو يحب النوم =
عضو صاحب قلم جرئ =
عضو تعجبك مواضيعة =
عضو صاحب الإحساس المرهف =


أخيييييرا ..

عضو ودك تسوي فيه مقلب =


نتمنى لك حظ سعيد بالإستجواب المصغر
والله يعينك على كثرة الأسألة ..

للتنويه : تم تغيير المده وجعلها اسبوع واحد فقط وهذا مو قصور بشاطر بالعكس هذا راح يكثر الظغط عليه والله يعينه ,,,

شكرا للعضو خالد بن راشد الذي اضاف لدائرة الضوء الشيء الكثير الله لا يهينك يابو راشد شكرا جزيلا لك ,,,

[محمد بن مساعد الحيص]

ههههههههههههههههه خالي عبدالله بدائره الضوء


ابي افكر وبعدين اسأل

بس الحمدلله اول واحد

..

[رحال]

لا اعرف عندما يمر على ذكر شاطر اتذكر اغاني ام كلثوم

شاطر اسم على مسمى سهر الليالى وللصبر حدود

تنطبق عليه سهر الليالى في بدايه المنتدي من اجل ماذ الاجابه

من اجل الكثران. صبر على كثره الطلبات من الاداره من اجل الكثران

شاطر يستحق لقب الجندي المجهول ونحمل له شعار( شاطر في قلوبنا )

سؤالى

نبي ثلاث امنيات تتمناها ؟

نبي موقف طريف بعمان ؟ او كحيلان له مواقف معك طريفه نبي واحد من هالمواقف ؟


هل احسست ان تعبك مع الاداره ماضاع وشعورك الان بعد الاربع شهور الماضيه ؟

[تركى]

بما انك من مؤسسين هذا الملتقى او الصرح

ومن اهم القائمين عليه

ومن المؤكد يهمك نجاح الموقع

واعتقد ما ينجح الا بالمشاركات والتفاعل

اذن ؛؛ ليش مالك مشاركات فيه ؟؟؟ الا قليل جدا ؟؟!!!

[شاطر]

دايم السيف

أشكرك على هذه المقدمة

وإن شاءالله ماتكون في أسأله بره الحسبــه .. :d

راجع للإجابات

انتظرونــا

[خويران الكثيري]

شاطر

للتميز عنوان ووضوح

تجلى ذلك ببصمتك الرائعة بين أرجاء منتدانا

كلمة شكرا لا تكفى

[كحيلان]

اخيرا شااااطر بدائره الضوء اهلاا وسهلاا

قبل النطق بالاسئله ارجو منك ذكر موقف بعمان لسؤال رحال لك

ثانيه بما انك من صمم المنتدى سؤال ببدايه المنتدى كم يوم اخذت اجازه من الدوام لتتفرغ للمنتدى وكم ساعه باليوم كنت تدخلت النت للتصميم وبالاجازه منو كنت تشوف
اذا جااوبت على السؤال قولي شنو كان روتينك يوم اخذت اجازه لتتفرغ للمنتدى ؟

2- بعد اتهام رحال لك بأنك ذهبت لعمان لتعلم السحر وليس للدراسه كلمه بهذه الخصوص لان وصلتنا معلومات ان ابو مقص يقرأه افكار رحال ويكتبها بالمنتدى وهذه سبب الاتهام كلمه بهذه الخصوص ؟

3- اذكر رحله عودتك من صلاله الى الكويت ؟

4- كلمه تعبيريه عن ابو جبير وابو كنعان ؟؟

باقيلي 6 اسأله راح ااجلهم لحين الاجابه على هذه الاسئله

[خالد بن راشد]

ياويـــــــــــــــــــــــــــلك ..

راح يستلمونك الشعب .. الله يعينك


بعد التحيه .. عندي سؤال وحيد

ما رئيك بـ موضوع دائرة الضوء ؟ هل هو ذا فائده ؟



ولي عوده


..

[حمدان خلف الحيص]

الله يعينك :)

[شاطر]

ابدأ بأسألتي الشخصية ،،

1_ البطاقه الشخصيه كما تعودنا دائما ,,

بسم الله الرحمن الرحيم .. نبلــش .. :)

الإسم : عبدالله حمدان الحيص 27 سنة

الحالة الإجتماعية : متزوج وعندي بنتين .. نور ودانه

2_ رأيك بهذه العبارة " يقولك بيسوون الكويت 100 طبقاااات " ؟؟ :p

أسكن بأعلى طبقة .. عن زحمة الشوارع اللي ماتخلص .. :D


السؤال الأخير ..
أكمل الفراغ بعضو مناسب

عضو يموت بالأكل = ولد عيد .. :D
عضو 24 ساعة تشوفه = ( أهلا وسهلا بكـ شاطر من جديد )
عضو صاحب مزااااااااج = تركي :cool:
عضو راعي دقات ومقالب = دبلوماسي كثيري
عضو تحس إنه شايب = alkether :heyaa
عضو يحب النوم = أبو خالد أكيد .. الكثـير
عضو صاحب قلم جرئ = كويتي سابق :sha6er
عضو تعجبك مواضيعة = النوخـذة :ward
عضو صاحب الإحساس المرهف = رحـال :p


أخيييييرا ..

عضو ودك تسوي فيه مقلب =

رحــال :D


,,,





تحياتي لك دايم السيف

[شاطر]

سؤالى

نبي ثلاث امنيات تتمناها ؟

تحقيق جميع الاهداف التي وضع من أجلها المنتدى


معرفة جميع أبناء العمومة من الكثران .. معرفة شخصية


إستكمال دراستي




نبي موقف طريف بعمان ؟ او كحيلان له مواقف معك طريفه نبي واحد من هالمواقف ؟

كثييييييييييرة المواقف والله مع كحيلان أممممممممم

موقف بايخ ومضحك قدييييييييييييييييييييييييييييييم .. :D



بمسجد حاضرين درس انا وكحيلان .. :p

نطااالع بوجيه بعض ونحاول نمسك الضحكة ماقدرنــا .. :D

لما خربناها ضحك وطلعنــــا .. :D: D :D


هل احسست ان تعبك مع الاداره ماضاع وشعورك الان بعد الاربع شهور الماضيه ؟

الحمدلله أكيد ماضاع بعد النتايج الاكثر من رائعه وإنجاز بصراحه يعتبر اللي صار

شعــــــور لايوصف والله بلمـة الشمل .. وإن شاءالله تكمل على خـير





تحياتي لك رحال

[شاطر]

بما انك من مؤسسين هذا الملتقى او الصرح

ومن اهم القائمين عليه

ومن المؤكد يهمك نجاح الموقع

واعتقد ما ينجح الا بالمشاركات والتفاعل

اذن ؛؛ ليش مالك مشاركات فيه ؟؟؟ الا قليل جدا ؟؟!!!


للأمانه أغلب وقتي مقابل الجهاز سواء الفترة الصباحية بالدوام أو المسائية يعني مو أقل من 8 ساعات يومياااا

لكن اغلب الوقت أشتغل وأرفع وأنزل بالملفات وسوالف لوحة التحكم اللي ماتخلص

وعندي موقع خاص فيني بعد ... بعيد عن المنتديات .. ماخذ من وقتي

والفترة اللي طافت عندي مشاكل فنية مع جهازي لمااااااا غيرته الحمدلله .. وأنفصــل النت بعدها .. :D

أخذت قسط من الراحــة :p

ورجعت لكم إن شاءالله



تحياتي لك تركي

[شاطر]

شاطر

للتميز عنوان ووضوح

تجلى ذلك ببصمتك الرائعة بين أرجاء منتدانا

كلمة شكرا لا تكفى


والشكر موصول لك بابوحمد على التواجد الأكثر من رائع وجهودك الفنية الواضحة والمتابعه المستمرة

تحياتي لك

[شاطر]

اخيرا شااااطر بدائره الضوء اهلاا وسهلاا

قبل النطق بالاسئله ارجو منك ذكر موقف بعمان لسؤال رحال لك

ثانيه بما انك من صمم المنتدى سؤال ببدايه المنتدى كم يوم اخذت اجازه من الدوام لتتفرغ للمنتدى وكم ساعه باليوم كنت تدخلت النت للتصميم وبالاجازه منو كنت تشوف
اذا جااوبت على السؤال قولي شنو كان روتينك يوم اخذت اجازه لتتفرغ للمنتدى ؟

اهلين كحيلان .. شحشح سابقا .. :D

امممم والله اجازتي كانت شهر ونص تقريبا وماكنت اشوف أحد ووقت فراغي نـااااااااايم .. يعني ماكان فيه أي روتين .. :)

2- بعد اتهام رحال لك بأنك ذهبت لعمان لتعلم السحر وليس للدراسه كلمه بهذه الخصوص لان وصلتنا معلومات ان ابو مقص يقرأه افكار رحال ويكتبها بالمنتدى وهذه سبب الاتهام كلمه بهذه الخصوص ؟

يكفينــا الله شـر السحـر

3- اذكر رحله عودتك من صلاله الى الكويت ؟

معاناة .. :)

أربع ساعات بمطار صلالة ويـتـنج... لآخر لحظـــة

ماكو ولا كرسي فاضي وباقي 9 ساعات على طيارتي من مسقط للكويت

طلعت من مطار صلالة رايح لمسقط بليل طبعا ..... و 200 كيلو بالطريق ضبـــاااااب ماتشوف شي وبعد 8 ساعات ونص وصلت مطار مسقط !!

باقي نص ساعه على الطيارة

سكرووو الكونتر

أطالع الطيارة من الدرايش .. !! إبعدو الدرج عنهـــا .. :(

يعني ماكو رجعة ..

وغيرت الحجز العصر .. اممم تقريبا بعدها ب 8 ونص بعد

ومطـــارهم مافيه وايرلس ولااا نت !!!

وضاع الوقت بكارفور .. :D


4- كلمه تعبيريه عن ابو جبير وابو كنعان ؟؟

أبو جبير شريك الفلس .. ولا مشروع ناجح معاه .. :D

ابو كنعان الإنسان الوحيد الذي يقضــي مكالماته الهاتفية من أولها إلى آخرها بضحـــك .. ماتسمع سوالف .. :D

باقيلي 6 اسأله راح ااجلهم لحين الاجابه على هذه الاسئله

خلاص انتهى وقتك مومسموح لك بالأسألة بعد :mad:




تحياتي لك كحيلان

[كحيلان]

شاااااطر وين بترووح مني

لسه فيه ست اسأله

طبعا بعد قصه عودتك من صلاله لمسقط طبعا المسافه بينهم 1000 كيلو والله معاناه


ابيك تذكر قصه رجوعك من ايران الى الكويت

وطبعا معلومه للكل
شاااطر جرب السفر بسياره وبطياره وبعباره

بعد مارحت لأيران بعباره

ابي قصه سفرتك ايران وقصه من ايران للكويت بدون اختصارات


باقيلي 5 اسأله

[خلف بن فدغم]

ههههههههههههه اخيرآ جاء دورك يا شاطر

والله انا اول ماشفت جهودك قلت فعلا اسم على مسمى (شاطر) وجزاك الله عنا الف خير

بس ما تقول شعندك بايران....؟

[ولد عيد]

بونوووووووووووووووووووووووووووووووور

خخخخخخخخخخخخخخخخخخخخخخخخ

فضحتني يا مجرم وانا مسوي برستيج :D

المشكله الوقت الي نبي الاسئله ما نحصلها

استلم

س1 : شرايك بايران ؟؟

س2 : لما رحت ايران شلون كنت تكلمهم ؟؟

س3 : لما كنت تدخل مطعم هناك شلون كنت تطلب ؟؟

س4 : شنو كنت تشرب بالمطعم ؟؟ هل كنت تغير الطلب ؟؟ وليش ؟؟

:heyaa

[شاطر]

س1/ شنو شعورك وحنا نتصل فيك في بدايات المنتدى وواحد يقول لك حط كذا وبعد ما تحطه يتصل عليك غيره ويقول لك شيله ؟.

متعه الشغل إذا كان وراه هدف وتمنى تحقيقه .. وماكانت هالإتصالات إلا لظهور العمل بأكمل وجه وصورة مشرفه والحمدلله حرص الشباب على المنتدى كان واضح

س2/ منو أكثر واحد بالإداره كان مزعجك بالإتصالات وطلب التعديلات ؟.

أبو خالد ( نفس حكومتنا الصبح يصدرون قرار وبالليل يلغـى ) .. :D

س3/ هل أنت راضي بإنجازات المنتدى بعد هذا الجهد؟.

الحمدلله راضي أكيد

س4/ ماذا تتوقع لمستقبل المنتدى؟

الإستمرار إن شاءالله والإزدهار ومواصلة النشاط به للأجيال القادمة :)
.


تحياتي لك مهـل

[شاطر]

شاااااطر وين بترووح مني

لسه فيه ست اسأله

طبعا بعد قصه عودتك من صلاله لمسقط طبعا المسافه بينهم 1000 كيلو والله معاناه


ابيك تذكر قصه رجوعك من ايران الى الكويت

وطبعا معلومه للكل
شاااطر جرب السفر بسياره وبطياره وبعباره

بعد مارحت لأيران بعباره

ابي قصه سفرتك ايران وقصه من ايران للكويت بدون اختصارات


باقيلي 5 اسأله :6a5

ياجماعه مافيه بلــوك بالمشاركـات ؟ :D
أستخدم حق الفيتو بالإمتناع عن الإجابه على السؤال

[شاطر]

ههههههههههههه اخيرآ جاء دورك يا شاطر

والله انا اول ماشفت جهودك قلت فعلا اسم على مسمى (شاطر) وجزاك الله عنا الف خير

بس ما تقول شعندك بايران....؟


ياحياك الله هلا بو خالد منــور والله يجزاك خـير .. :)

قديمه والله هالسفرة قبل 8 سنوات .. ماكو شغل و حب استطلاع .. :p

[شاطر]

بونوووووووووووووووووووووووووووووووور

خخخخخخخخخخخخخخخخخخخخخخخخ

فضحتني يا مجرم وانا مسوي برستيج :D

المشكله الوقت الي نبي الاسئله ما نحصلها

استلم

س1 : شرايك بايران ؟؟

عجيبه وحلـــوه والله

س2 : لما رحت ايران شلون كنت تكلمهم ؟؟

مايعرفون لا عربي ولا انجليزي
يعني الإشارة مسويه شغل كانت .. وتعلمنا كم كلمة :D


س3 : لما كنت تدخل مطعم هناك شلون كنت تطلب ؟؟

عادي زرشك بولو و جوهي كباب و كفته برنجي

:sha6er

س4 : شنو كنت تشرب بالمطعم ؟؟ هل كنت تغير الطلب ؟؟ وليش ؟؟



عضو يموت بالأكل = ولد عيد .. :D


شعندك كل أسألتك عن المطاعم والأكل ؟ .. :rolleyes:
:heyaa


تحياتي لك ولد عيد .. :6a5

[خلف بن فدغم]

ههههههههه حلوه سالفة الاشاره ذكرتنى لما كنت بشيكاغو يسألونى عن الشنط قلت( threeشنطه)

[راشد]

عندي ثلاث اساله ماراح اطول عليك انشالله يكونون خفاف :)

س1 : ماهو مؤهلك العلمي؟

س2 : ماطموح شاطر بالمستقبل؟

س3 : روتين شاطر اليومي ؟


..



..



..




.. وشكرن :)

[شاطر]

عندي ثلاث اساله ماراح اطول عليك انشالله يكونون خفاف :)

س1 : ماهو مؤهلك العلمي؟

ثانوية .. :)

س2 : ماطموح شاطر بالمستقبل؟

أشياء كثيرة والله
ماقدر اذكرها الحين:rolleyes:

س3 : روتين شاطر اليومي ؟

والله كأي روتين عادي نايم قاعد طالع شابك نت
صبح دوام والليل دواوين اسطبلات و ..... غيرها :p


.. وشكرن :)


العفــوا وحيااااكـ الله
وأهلا وسهلاً .. :cool:

نورتنا بالمنتدى

:ward

[دايم السيف]

راح اكرر سؤال اخوي خالد بن راشد ,,

مارأيك بموضوع دائرة الضوء ؟؟

[ريح المسك]

نورت دائـــرة الضــــوء ..

بما انك مصمم ليش ماتحط دروس عن التصميم ..

للاستفادة منه ابناء عمومتك ..

وش اكثر شي تحب تصممه ؟

وهل صممت مواقع مسبقا ؟

وش افضل الالوان لديك في التصميم .؟


وآسف على الاطاله ..





ولنــــ عوده ـــا ...



..

[شاطر]

راح اكرر سؤال اخوي خالد بن راشد ,,

مارأيك بموضوع دائرة الضوء ؟؟


سقط سهوا سؤال أخوي خالد بن راشد

أعتذر منه .. :ward


حياك الله دايم السيف وللأمانه موضوع جميل ورائع يتيح لنا الفرصة بالتعرف على الأعضاء عن قرب

تشكر عليه

وتحياتي لك

[شاطر]

نورت دائـــرة الضــــوء ..

بما انك مصمم ليش ماتحط دروس عن التصميم ..

للاستفادة منه ابناء عمومتك ..

وش اكثر شي تحب تصممه ؟

وهل صممت مواقع مسبقا ؟

وش افضل الالوان لديك في التصميم .؟


وآسف على الاطاله ..

ولنــــ عوده ـــا ...

..


ياهلا بالسامر

النور نوركم يالغالي

للأمانه أنا مو مصمم ولا أعرف للفوتوشوب وغيره من برامج التصميم وماعمري أخذت أي دورة بالكمبيوتر .. :D

لكـن هاوي تصميم مواقع بتركيب السكربتات الخاصة وغيرها وأحب أعبث بالبرمجه :)

وصممت مواقع لكن لا ترى النور .. ماكون فاضي لها حب تجربة فقط

وأعشق البني والبيج



وحياك الله مره ثانيه

تحياتي لك

[رحال]

شاطر بسرعه رد

قامت الاداره برفع اسمك للجنه المنظمه للملتقى لأ لقاء كلمه الشبكه

الحضور كثيف وصلت الى المنصه الميكرفون امامك تنحنحت سميت بالله وش بتقول............................................. ....
.................................................. .................................................. .................................................. .....
.................................................. .................................................. .................................................. .....
.................................................. .................................................. .................................................. ....

[دايم السيف]

نشكرك ياشاطر كفيت ووفيت واضفت لدائرة الضوء لا عدمناك ياولد العم ,,,