المساعد الشخصي الرقمي

مشاهدة النسخة كاملة : المفتاااح...


نبهانيه
15-02-2008, 03:05 AM
السلام عليكم ورحمة الله وبركااته .

يسعدني ويشرفني ..عودتي للمنتدى الغالي بعد انقطاع....لظرووف خاااصه ...

المهم ان شالله برجع بنشاط ..وبمواضيع ..راح تعجب وتسعد الكل يااارب..

موضوعي اليوم يتكلم عن المفتاح....

اي مفتاح....مفتاح القلوووووب....

(((((المدح)))))
نعم ...لان من افضل واحسن مهارات الكلام ان الانسان يكون مبدع ..في تعويد نفسه على اكتشاف صواب الاخرين..ومدحهم..قبل ذمهم او الانتباه لاخطائهم..

فمثلا ..الناس لا وغالبية الناس ..ترد النصيحه ..يعني ماتقبلها ..مو لانه متكبر او مو مقتنع بخطئه...لالالالالا

لكن مع الاسف لان الناصح ماعرف احسن واسلم الطرق للنصح..
وهذا شي اغلبنا نطيح فيه..

مثلا تخيل انك رايح مستشفى حكومي ..طبعا للعلاج..

جيت لموظف الاستقبال..وشوف الاستقبال..تشوف شااب مراهق يقلب الجريده ..
وبيده مع الاسف سيجاره..من غير اي مبالاه..ولا اهتمام باللي حواليه..
وتشوف شاايب يمد ايده ناطر هالشاب ..يعبره ويعطيه ورقة يدخل فيها على الطبيب ..
والصوب الثاني هم عجوز ومعاها بنت صغيره ماهي قادره توقف من الحراره اللي فيها ..وهم تنطر هالشاب يتكرم ويعطيها ورقه..عقب مايفضى ويخلص من الجريده والا سيجارته..
المهم انت شي طبيعي راح تنرفز..وتعصب ..وماتنلام..شي يقهر ...صرخت عليه :
هيه انت وين قاعد ببيت اهلك ..الناس مرضى وانت تقرا الجرايد ..وفيك وفيك ....الخ
اللي مثلك المفروض يشتكون عليه ..لا ويفصلونه ..بعد..

يعني غلطت عليه وماخليت شي بقلبك ماقلته ..
ولنفرض انه مارد عليك الصراخ بصراخ لا بالعكس خلص معاملات الناس وبعد معاملتك..

انت الحين تعتبر نفسك نجحت ..في حل هالمشكله؟؟؟!!!!

انت عالجت الموقف صح ..بس المشكله موجوده ماعالجتها..!!! لانه اذا استجاب لك اليوم راح يرجع لهالتصرف..باجر وعقبه ...الخ!!

خلونا نفكر شلون نتعامل مع الاشخاص..

نجرب نتعامل بعقلانيه اكثر ...نبعد عن التنرفز..والغضب..


ابتسم ..حتى ولو كنت متضايق ..وقول السلام عليكم ...

راح يرد السلام ويرجع لقراءة الجريده..لحظتها قول اي كلمه وبسرعه مثلا ..شلونك..او مساك الله بالخير..
اكيد بيرفع راسه ويقول الحمدلله بخير....
هني راح تكون ..راح تكون قطعت نص الطريق...:sha6er
قول كلمه تمدحه فيها مثلا ..مثلا..
قول له..تصدق اللي مثلك المفروض مايشتغل باستقبال مستشفى ..راح يرد ويقول لك ليه.؟؟؟
قول لان اللي يشوف وجهك يطيب ومايحتاج لطبيب..
شوف وجهه الحين مايدري وين يوديك ..
ابدى الحين بالنصيحه......
راح يقول امر وش بغيت
..قوله عن امر الشايب والعجوز ورجائك بانك يخلص اجراءاتهم ..
وماراح يقصر....
لا وخلص ورقتك بعد ...
.وهني قوله ..والله انك دخلت قلبي..ماادري شلون وهي اول مره اشوفك فيه..

.بيستانس ..وبيشكرك على لطفك وكلامك الرائع.....
هني قوله وبثقه ..عندي كلمات ودي اقولها بس اخاف تزعل ..

بيقول لالا تفضل..
عندها قدم النصيحه..قوله انت من الله عليك بوظيفه ..وفي واجهة المستشفى وانت قدوه لغيرك..فياليت تتلطف مع المراجعين..وتهتم فيهم ..عسى دعوة صالحه من عجوز عابده او شيخ زاهد ترتفع لك بظلمة الليل ..

انا متااكده بيسمع كلامك وهو منزل راااسه..ويردد اشكرك وجزاك الله خير..

جربو هالاسلوب في التعامل..مع كل شخص تبون تعالجون سلوكه ..

باختصااار ..
(((اسرف في المديح ...واقتصد في النقد..)))

تقبلوا تحياتي:ward ..نبهانيه...

نواف الفارس
15-02-2008, 11:29 AM
السلام عليكم ورحمه الله وبركاته

اولاْ اهلا بهذه العوده الجميله
واتمنى ان يدوم تواصلكِ هنا في هذا الصرح الكبير
وان يدوم تميزكِ وتألقكِ

بخصوص الموضوع فعلاْ يجب ان يكون هناك فن للتعامل مع هذه الحالات
وانتي بينتي لنا كيف نتصرف بمثل هذه المواقف
واتمنى من الجميع الاخذ بها والاستفاده منها

كل الشكر لكِ على هذا الموضوع القيم والمفيد
لا عدمناِ
وبانتظار المزيد
موفقه يارب

ريح المسك
15-02-2008, 11:39 AM
كلامك صحيح وفي محله

ان الشخص يبتسم في وجهه

ويبادره بالكلام الطيب على قولتك

صباح الخير الله لا يهينك يالطب

بيض الله وجهك ..

وهذا من طبع الاسلام

(الابتسامه في وجه اخيك صدقه )

بس المدح ان عكسك احيانا

ينقلب ضدك يرفع راسه عليك

ولاعاد يراك شي ..

الا في حاله وحده اذا شفت الموظف مانفع معه الكلام الطيب

( اقلبها شغل مصاريه .. انت يابيه موظف استقبال اقد الدنيا )

هههههههههههه:D

نبهانيه
16-02-2008, 01:53 AM
اخوي نواف الفارس اسعدني وشرفني مرورك ..وشاكره ترحيبك..برجعتي ..لهالمنتدى..
حياك الله ومنووور..

اخوي alssamerحياك الله..نورت الموضوع ..وصدقني المدح له اثر عجيب مع الناس ..
وحلو لو اننا نستخدم عبارات لطيفه ومغلفه بمدح يسعد المتلقي للنصيحه فيقبل بها برحابة صدر.. نوووورت..

العنــ آخر ــقــود
17-02-2008, 08:28 AM
موضوعك جميل يا بنت العم و مهم للكبير و الصغير ..

الكلمة الطيبة كما تفضلتي مفتاح سحري سبحان الله

مافي أجمل من أن ينتقي الإنسان افضل الكلمات و اجملها

في تعامله مع الآخرين و غالباً ما تترك انطباع رائع لا ينسى عن

من يبادر بها ..

الدين المعامله و كلنا سفراء لديننا في كل مكان، فبطيب المعاملة

يمكن ان تهدي انسان الى الإسلام و ممكن ان يدعيلك شيخ كبير

او سيدة مسنّه بالخير او ان تؤجر على طريقتك بالتعامل مع الناس بشكل عام ..

الكلمات الطيبة الممزوجة بابتسامة لها وقع كبير

و كأنها معجزة ..


:ward


تحياتي

نبهانيه
17-02-2008, 10:47 AM
حيااج الله اختي اخر العنقود..منوره ومثل ماقلتي الكلمه الطيبه مفتاح سحري...

مسكاوي
17-02-2008, 03:29 PM
موضوع رائع ومتميز ولو أتكلم فيه من الحين
لين تغرب الشمس مراح يكفي

ويعطيك العافية يابنت العم

نبهانيه
18-02-2008, 03:38 AM
الارووع مرورك اخوي مسكااوي ..وهذا انت استخدمت هالمفتاح ومدحت الموضوع
..وهالشي رااائع فعلا..
حياااك الله منووور..

تركى
19-02-2008, 05:07 PM
موضوع مهم ومميز في مضمومه ويعطيج العافيه التبهانية

بس اسمحيلي اني اقعد امدح وانافق واتغزل عشاااان هو ينصلح حاله !!!

عز الله اني ما سويتها

اقدر اجيه باسلوب طيب من البداية واخليه يحذف الجريده والزقاره اللي بيده

يعني اسلم السلام عليكم

وادخل بالموضوع على طول

اقوله جزاك الله خير يا اخوي هذا مجال عمل مو قراية مجلات وجرايد

حنا ناس ورانا دوامات وفي ناس مرضى

خلص شغلك اول وبعدين ارجع للزقاير والمجلات

اتحده وقتها يعارض او يناقش

وان سواها الحق معاي اروح لمدير المركز واقدم فيه كتاب ويحطون الف غيره

لانه مو كفوووو

وشاكر لك طرحك للموضوع القيم