شنو انطباعك عن لقاء الكثران ؟؟

[محمد]

اخواني الكثران ..... اللي حضر واللي ما حضر ( لقاء الكثير) الاول اللي تم يوم الاربعاء الماضي سواء أهل الكويت وأهل السعودية أتمنى تسجلون انطباعكم عن اللقاء سواء شفتوا بعيونكم أو مما سمعتوا أو مما شفتوا بالصور .. عبروا عن شعوركم و عن فرحتكم وملاحظاتكم وأمنياتكم وأحسن شي عجبكم فيه ... تخيل ان أمامك سجل شرف مثل ما يصير باللقاءات الكبيرة والرسمية :) وسجل فيه كم سطر ..عشان يكون شكر وتقدير لنجاح هاللقاء وتشجيع للقاءات القادمة أرجو التفاعل من الجميع لمصلحة القبيلة والى الأمام يا الكثران .. الله يعزكم ويعلي شانكم

[ريح المسك]

انـــطبـــاعـــي ..


ويـــنـــــكم مــــن زمــــــــان ..


انتــــــم زرعـــــتــــــوا الفـــرحــه بأعينــنا ..


وبســـــمة الحـــيـــــــــــــــاة ..


الله يكثر من امثـــالكم ..


وبيــــض الله وجهـــكم ..


وجمـــل الله حالـــكم ..

وسأل الله انه يجمعنا في جنــــاته في جنات الخلد ..


على اني مارحت بس تابعت اخبارهم ..

واشوي اني مارحت .. كان مرجعت للسعودية ..:D

[ابن بصيص a]

انطباعي وانا مقهور عشان ما رحت

ذيابه ومجتمعه الله يجزاهم خير ويكثر من مثالهم في افراد القبيلة

[مسكاوي]

انـــطبـــاعـــي ..


ويـــنـــــكم مــــن زمــــــــان ..


انتــــــم زرعـــــتــــــوا الفـــرحــه بأعينــنا ..


وبســـــمة الحـــيـــــــــــــــاة ..


الله يكثر من امثـــالكم ..


وبيــــض الله وجهـــكم ..


وجمـــل الله حالـــكم ..

وسأل الله انه يجمعنا في جنــــاته في جنات الخلد ..


على اني مارحت بس تابعت اخبارهم ..

..:D


أنا نفس أنطباع أخوي asameer وبصراحة من الفرحة ما أقدر أتكلم

[محمد بن مساعد الحيص]

تعرف انطباعي زين يا محمد ,, والله يجمعهم ولا يفرقهم ,, كان شي يثلج الصدر فعلا :):):)

[تركى]

والله فرحاااان ومنطنخ بعياااااااااااال عمي

وما عندي غير هالساااااااالفه

وكل ما شفت احد سالته

عن الحفل والحضور

فعلا شي يرفع الراس

من اكبر راس لاصغر راس من شيبان وشباب

كلهم يد وحده ووقفه وحده

ولا هي غريبه عليهم الكثراااااان

ويستاهلوووووون بني عمنا الضيوف

وكلي حسره وندم اني ما اجلت سفرتي وحضرت الغداء

يالله خيرها بغيرهاااااا

[تركى]

تشكر يا محمد مواضيعك دايما هادفه ومميزه

[رحال]

اخوي محمد

تسال عن الانطباع ولا عن حفاوه الاستقبال والا عن فرحت

الشيبان انا حسيت اول مادخلت المحفل ان الكويت كلها

حاضره بس بصراحه مهب غريبه على ربعنا هذا عشمي

فيهم وهم ماراحو بعيد هذي عادات اجدادهم والتاريخ

يشهد بذالك , وش اصف لكم اصف فرحه شيخ ولا فرحه

شاب ولا فرحه طفل بقدوم عيال عمه هذا شي بالنسبه لي

مو غريب هذولا مصابيح الضلام كثران

حفاوه واستقبال من الحدود لغايه العوده للحدود



وصلت بيتي بالرياض واستقبلني ولدي باخبار المخيم

والاستقبال وكان متابع على النت كل الاخبار اللي

نقلها بوسالم في المنتدي اول باول . وكان يسأل

بلهفه ومن فرحته تركني وراح يتصل على زملاه

ويطلب منهم انهم يدخلون المنتدي ويتعرفون على

قبيلته وكرمهم وان له عزوه بالكويت

في هالموقف انا جتني العبره وحسيت اننا مقصرين

في حق عيالنا لاكن بعد اللى شفته ابشرو ياعيالنا

ويا أجيالنا عهد علينا قطعناه بالكويت المستقبل مشرق
وسلامتكم محبكم رحال

[يزيد الكثيري]

شي ما كان راح يصير لولا هذا المنتدى الله يطول عمر من قام وأشرف عليه
والله يجمعنا ولايفرق شملنا آميـــــــــــــن يارب العالمين

وشعوري شعور كل كثيري فرحان بعيال عمة

[كويتي سابق]

الشكر مو للمستقبلين .. بل الشكر الحقيقي للزائرين اللي زيارتهم جمعتنا على الخير وزرعت فينا الامل وعطتنا دفعة معنوية كبيرة

والى الامام سر

[الكثير]

متنومس ببنى عمى اللى جملونا بوقفتهم ومساهماتهم الماديه والمعنويه وبيض الله وجيهم كلهم وكل شخص ماحضر معذور وسدو عنه بنى عمه وودنا ان الزياره طويله بس نعوضها بالجايات...

[مظهر النبهاني]

ماحضرنا لكن شي يرفع الراس الله يبارك في جميع من سعى الى الاجتماع

[محمد]

يالله وينكم ياشباب شاركوا بردودكم :):heyaa

[فيصل بن علي البتال]

صراحه شي حلو
وخصوصا انه تم بفتره ليست طويله

بس انا اشوف انه موعد الزياره ماكان مناسب ولا درينا ولا كان انا اول من يحضر

انشالله خيرها بغيرها والجايات اكثر

وفقكم الله

[أخو فيضة]

السلام عليكم

شكراً محمد

...

أنا حضرت اللقاء .. وبصراحة كان شي جميل كانت أجواء فرح ... كأنه عرس .. الكل فرحان وكاشخ وينتظر طلة المعاريس اللي هم اعيال العم السعوديين ولما أعلنوا عن وصولهم أغلب الشباب اطلعوا من الخيمة لاستقبالهم وخويران اطلق النار بهالمناسبة وكانت ردود أفعال البعض على اطلاق النار طريفة وبصراحة من كثر الزحمة والناس ما لحقت أشوف وأطلع على كل شي فأنا ومجموعة من الشباب معاي انتقلنا للخيمة الثانية عشان نوسع للحضور الاعزاء وأكثر شي عجبني تواجد الشيبان الله يطول أعمارهم وتشجيعهم للقاء وترحيبهم بالزوار وعزيمتهم لهم وأتمنى يتكرر مثل هاللقاء مستقبلا .

[مفلح الكثيري]

وربي مقهور حدي
الله يرج الاختبارات اللي ماخلتني اشوف لمت عايل عمي

ارجو تزويدنا بالصور على شان القهر يروح شوي وتهونون عنا شوووي


تقبل خالص تحياتي ومروري
أخوك: مفلح الفهاد

[اخت ارجال]

((((((((( كــلمـــــة حـــــق ))))))))))


شي ما كان راح يصير لولا هذا المنتدى الله يطول عمر من قام وأشرف عليه
والله يجمعنا ولايفرق شملنا آميـــــــــــــن يارب العالمين

وشعوري شعور كل كثيري فرحان بعيال عمة

[سلطان علي الكثيري]

باختصار انا أعتبره اللبنة الأولى في اعادة بناء مجد هذه القبيلة

[أم الخير]

سمعت إنه كان لقاء ناجح وموفق من كل الجوانب : الاستقبال و الحضور والضيافة والتنظيم

وإن 90% من عوائل الكثران حضروا اللي حضر منها واحد واللي حضر منها اثنين واللي أكثر

وإن الكثران كانوا كلهم معازيب ذاك اليوم وكانوا على قلب واحد

وإن اللي ما حضر كان عنده عذر لعدم الحضور

****** الله يوفقكم يا عيال عمي ويجمعكم على الخير دائما ******

[المناع الكثيري]

الله يجمع ال كثير هل الامجاد

[اخو وضحه الدويجني]

الاجتماع فخر ونوماس للجميع