المساعد الشخصي الرقمي

مشاهدة النسخة كاملة : الشاعر راكان القرناس الكثيري في حائل وقبيلة شمر


ابن الكثران
27-01-2008, 12:59 AM
السلام عليكم ورحمة الله وبركاته هذه قصيدتين لقيتهم في في احد المنتديات وهي للشاعر راكان القرناس المظهري الكثيري وحده عن حايل ووحده عن شمر وهو شاعر شاب التقيت فيه يوم من الايام بالصدفه بالرياض وسولفنا عن الشعر وطلبته يدخل شاعر المليون وكنت اعرف انه كثيري ويعرف اني كثيري وبعدها بأيام بحثت عنه في المنتديات وماشاء الله عليه شاعر متألق يملك العذوبه والجمال ولقيت له 4 قصايد منشوره بجريدة الجزيره

جنة غلا داخل خفوقي غلاها
وانسامها عطر الأصاله والأمجاد

حايل وبرق العز قام يتباهى
ناض بسماه وفز من فوق الأشهاد

سلمى ( قصيدة حب باهي هواها )
و أجا ( الشموخ ) وصبح أجا ( صبح الأعياد )

سمرا ونهر الجود يسري وراها
يازينها من ارض ياطيبها بلاد

تاريخ عز الحاتميه كساها
مجدٍ تفاخر به على كل الأجواد

عز الخوال وعز من هو نصاها
شمر على راسي سلاطين واسياد

قصة غرام وخافقي لو حكاها
غنى صدى الحاضر وتاريخ الأجداد

الغيم يتزاحم وله في سماها
ولها ترانيم الفرح دوم تنقاد

دام الأمير سعود قام ورعاها
اجل لها في صفحة المجد ميعاد

عسى ثراها ما يضام وعساها
تبقى لنا رمز الكرامه والأمجاد


/

وهذي بقبيلة شمر من اروع قصائد المدح بوجهة نظري

لاح برق الشعر وأن ضاقت به أطراف السما
عجزت أبكتب والقصايد ما أعجزت كتّابها
هذا الأمير سعود كف الجود في طيبه كما
بحر العرب جزل العطايا مايـحسب حسابها
شمر الدولة وحايل لو يقولون الحمــا
أقول حايل قبلة الدنـــيا / وجـنة مابها
شمر المجد الأبي تاريخ في روضه نما
شلفا ورمح وسيف ماتعصى على قضّابها
شمر على ظهور الرمك / ورماحهم تظمأ ظما
للدم وان صار اللقاء معـذور من هو هابها
شمر الأسلم نسل حاتم زحازيــح كرما
شـمر فوارس غيرها تبـطي تدوس شعابها
شمر الجربا ابو خوذه على العـزة سما
وأمجاده الــلي شيبت روس العرب يحكابها
شمر أساطير وقصص مكتوبة بغيم ودما /
شمر بطولات العلي : شبّانها وشيــــّابها
شمر أفعال الضماد أيه عْظما نسل عْظما
وأصغر ضمادي عن مية شـارب وآنا أدرى بها
لا هان من هو في فوارس شمر العليّا أحتما
ما دامها صانـت ثرى حايل تعـز أصحابها
عيون ماتـــعشق مواطن طي جعله للعمى
ولآبو صدورٍ ماتـــحن لـحايـل ولترابها
حايل / أغاني / أمنيات / أشواق / معسولة لما
حايل ورودٍ عابر الدنيا صـــــدى أطيابها
حايل ملامح فاتنة في خدها الورد ارتمى
ونوار أجا وسلمى عطر يملا السهل وهضابها
حايل دموعي بسمتي حلم الطفولة كلما
ذكرتـــها هذا الحنين اليا نبض غنا بها
قالها اللامي ولد طي العريقه طالما
حايل بلادي و غـيرها لا له بي ولا لي بها

المظهري اللامي
27-01-2008, 01:55 AM
وعليكم السلام ورحمة الله وبركاته

صح إلــــــــــــــسان الشاعر

وبارك الله في الناقل

اخو وضحه الدويجني
27-01-2008, 02:00 AM
تسلم يا الكثيري على النقل

ونعم بالشاعر وخواله

&(أسامه)&
27-01-2008, 10:05 AM
يعطيك الف الف عافيه على النقل وصـــــــــــــــــــــــح الــــــــــــســــــانـــــــــه

مسكاوي
27-01-2008, 03:26 PM
صح إلسان ولد القرناس
ومشكور اخوي ابن الكثير ع النقل المميز والرائع
وننتظر المزيد والجديد :sha6er

الكثير
27-01-2008, 04:16 PM
تسلم على النقل وننتظر جديدك يابن العم وصح السان الشاعر ونعم بخواله...

الظلماوي
28-01-2008, 10:15 PM
صح لسان الشاعر
وتسلم على النقل
بانتظار المزيد

تحياتي

الصحييح
29-01-2008, 12:42 PM
اشكرررررك عالنقل شكر وااافر

وعز الله انه شااعر ينوومس ويزيد الكثران شرف وفخر

ابن الكثران
03-02-2008, 02:17 AM
المظهري اللامي شاكر لك التواجد ياغالي
تحياتي لك

جاسر
03-02-2008, 07:08 AM
صح لــــــــــــــسان الشاعر

وبارك الله في الناقل

بن كثير
07-02-2008, 02:43 AM
صح لسان الشاعر ومشكور علي النقل

ابن الكثران
23-02-2008, 03:49 AM
اخو وضحه لا خلا ولا عدم
شكراً

ابن الكثران
23-02-2008, 03:50 AM
اسامه يعافيك ربي
تحيتي

معرب الجدين
11-05-2008, 12:29 AM
صح لسان الشاعر ومشكور على النقل