ليش ما تسمون هالاسم يالكثران !!

[أم الخير]

السلام عليكم يالكثران ورحمة الله وبركاته

لما نزل موضوع ( لزام في بيت محمد الكثيري ) لفت نظري اسم المولود الله يحفظه لوالدينه والحقيقة الاسم جميل ويرمز لفارس من فرسان الكثير

وفي كثير من الجماعة سموا هالاسم وسموا كذلك عساف وسند وكلها أسماء لرجالات القبيلة وشيوخها

المهم طرا على بالي سؤال ... ليش ما أحد سمى ( نبهان )؟؟

على حد علمي ما أحد سمى نبهان من الجماعة

فهل في القريب نسمع عن مواليد كثران راح يسموهم أهلهم نبهان !!!

[تركى]

شكرا لك يا ام الخير على الاقتراح الجيد

وبصراحه انا موقف الانتاج حاليا

والا ما يصير خاطرج الا طيب

[سلطان علي الكثيري]

والله كلامك صحيح ما عمرنا سمعنا واحد مسمي نبهان

[ظلماوي]

خوش اسم و جميل

[أم الخير]

وجدت في المعجم ....

نبه نباهة : شرف واشتهر وعلا ذكره فهو نابه ونبيه

النباهة : الشرف والشهرة والفطنة

وانتبه للامر : فطن له

وانتبه من نومه : استيقظ

وانتبه على الشيئ : وقف عليه واطلع

[رشيد الكثيري]

ان شاء الله عقب ما اتزوج ويرزقني الله بعيال ابسميهم نبهان وعساف ان شاء الله


مشكوره اختي أم الخير وجزاك الله خير على هالمواضيع

تحيااتي

[نبهانيه]

والله اسم روووعه بس كل ماقلت لاحد يسمي يقولون لي غريب ..
غريب ايه بس رووووووووووووووووعه ..
ان شالله احد يسمي ..وتمايمه ان شالله علي ..
تقبلي مروري ..يالغاليه..
نبهانيه..
*****
***
*
مرت
من
هناااا

[عبدالكريم الماضي]

اسم جميل وحلو انشالله اذا ابي اخطب ابي اشرط على مرتي إنه أول ولد انسميه نبهان :):):):)

[اخو وضحه الدويجني]

والله انا كنت افكر اني اسمي ولدي <<كثير>>

مثل واحد من الشباب اسمه حربي الحربي

[ولد عيد]

صحيح والله ... الاسم جميل لفظا ومضمونا

[الكثرنجي]

ان شاء الله عقب ما اتزوج ويرزقني الله بعيال ابسميهم نبهان وعساف ان شاء الله


مشكوره اختي أم الخير وجزاك الله خير

[برق الوسم]

شكرا لك يا ام الخير على الاقتراح الجيد

وبصراحه انا موقف الانتاج حاليا

والا ما يصير خاطرج الا طيب



ردود تــركي دائما مميزة ومثيرة للاستغراب!!!!

[نوف]

ام الخير .. اشوف بس جبتي طاري نبهان

طلعو الشباب كلهم مومتزوجين .. واللي موقف الانتاج :rolleyes:

واللي امتنع من المشاركه ;)

الظاهر مافي نصيب نسمع بأسم نبهان بالقبيله :D

...

[أم الخير]

بنت نبهان يالغالية ، أنا حاسة ان شاء الله راح نسمع هالاسم بس انطري جم شهر وتشوفين :)

والشباب أطلب من الله أن يرزقهم الزوجات الصالحات والذرية المباركة .... يا رب

[النبهاني]

انشاءالله نبهان جاي بالطريق

[سيرتي بديرتي]

اقتراح حلو

وشوفوا اللي بتزوجون بلأجازه القريبه ان شاء الله
ذكروهم بالاسامي هذي
............
.........
.......
.....
...
..
.
تحياتي لكم

[أم الخير]

انشاءالله نبهان جاي بالطريق

ما وصل نبهان ؟؟؟

[أبو شموخ]

ام الخير

اسم نبهان حلو واكيد بنشوفه قريب

اسم عساف و اسم كثير واسم لزام كلها موجوده

بنتظار نبهان

تحياتي لك

[مفلح الكثيري]

يعطيج الف الف عافيــــــــــــة

[الطائي]

اول شي احب ابارك للمولود الجديد اللي تقوله عنه ام الخير وقول الف مبروك ويطرح الله فية البركة ويكون نافع لهله وثاني شي انا انشالله على وشك الزواج وان الاسم هذا حلو وغريب وقول لام الخير الله يعطيك العافية على الموضوع الحلو والله يعطيك العافية وخلاص من الوقت هذا لعاد تندوني الا الطائي ابو نبهان

[أم الخير]

انا انشالله على وشك الزواج وان الاسم هذا حلو وغريب وقول لام الخير الله يعطيك العافية على الموضوع الحلو والله يعطيك العافية وخلاص من الوقت هذا لعاد تندوني الا الطائي ابو نبهان

شكرا على مرورك على الموضوع والله يعافيك ويتمم زواجك على خير ويرزقك الزوجة الصالحة والذرية المباركة ان شاء الله يا أبو نبهان