تــــــــــــركــــــي

[خالد الكثيري]

اهلا وسهلا فيك بموضوعنا المتجدد مع الاعضاء


اليوم عضونا المتميز والنشيط الاخ / تركي :icon30::icon30:


ندش بالموضوع :drive1::drive1:



1- هل اسمك حقيقي ام مستعار


2- هل انت كثيري


والبقية عند الشباب

[تركى]

:crazy:


مع اني احب اسأل بس ما احب احد يسألني

لكن من باب الاتيكيت مضطر اني اقولك

شكرا على الاختيار وبانتظار الاسئلة

:icon1366:

[وقف عندك هنا كثيري]

انت من السعودية ام من الكويت ومتى كان تسجيلك بالمنتدى

[معرب الجدين]

بس حبيت اسالك لقيت شينكوتكم ولا للحين



ههههه

[عابر سبيل]

جاوب علي اسالت معد البرنامج بالاول

قصدي معد الاسئله :)

[تركى]

1- هل اسمك حقيقي ام مستعار


2- هل انت كثيري


والبقية عند الشباب


تركي اسم الشهره :)

و كل عرج فيني كثيري

[تركى]

انت من السعودية ام من الكويت ومتى كان تسجيلك بالمنتدى

ماعندك اسهل من هالسؤال ؟

الكويت طبعا وتسجيلي من اول يوم فتح المنتدى

[قله يادليم هلا]

نبغى رايك بسبعة شخصيات ونبي الاجابة لا تكون دبلوماسيه


عابر سبيل ---- ورث المطاليق ------ خالد عطالله ---- معرب الجدين ----- ابو شموخ --- صقر العدوان --- الحر الاشقر

[الحكيم]

تركي ياهلا وسهلا

النفسيه هذي هل هي طبع ام تطبع ؟



ابي رايك فالعضو هذا وبدون دبلماسيه .. قله يادليم هلا ؟


بالمناسبه وشرايك في اسألة " ابي رايك " ؟

دوامك صباحي ولا مسائي ؟

[تركى]

نبغى رايك بسبعة شخصيات ونبي الاجابة لا تكون دبلوماسيه


عابر سبيل ---- ورث المطاليق ------ خالد عطالله ---- معرب الجدين ----- ابو شموخ --- صقر العدوان --- الحر الاشقر

فوق انه لونك شاذ هم عليك سؤال مدري شنو الهدف منه


قالولك انا محلل نفسي مثلا !

[تركى]

تركي ياهلا وسهلا

النفسيه هذي هل هي طبع ام تطبع ؟



ابي رايك فالعضو هذا وبدون دبلماسيه .. قله يادليم هلا ؟


بالمناسبه وشرايك في اسألة " ابي رايك " ؟

دوامك صباحي ولا مسائي ؟

النفسيه على حسب المزاج وحسب السائل وحسب السؤال نفسه

[عابر سبيل]

تركي تكفا شنو كاتب دليم ماعرف اضلل في جهازي هذا

[تركى]

شرايك بعابر ووريث وصقر ومعرب وابو شموخ وخالد العطالله

[عابر سبيل]

وانت ووجهك ليش ماتبي تقول رايك فينا

وليش منفس؟؟؟؟؟؟؟؟

[عابر سبيل]

خالد الكثيري اسمحلي اجاوب عنه هالسؤال

عابر. ،،،مكسوره وتبرد(مثل كويتي)

الوريث( مراسل المنتدى الاخباري)

معرب ( زبدة المنتدى)

ابو شموخ( واجهة المنتدى)

صقر( خير من يمثلنا)

خالد العطالله(مسلم البراك)&&& عضو بمجلس الامه

[معرب الجدين]

هههههههههههههه




زبده المراعي ولا البقره المدلله





مشكور ياعابر المنتدى

[الحكيم]

النفسيه على حسب المزاج وحسب السائل وحسب السؤال نفسه


عـدم جوابك على اسألة الاعضاء بدون اعتذار فيه عدم احترام لهم

ياخي موودك مو ذاك الزود اعتذر عن الموضوع خلنا نشوف وآحد ثاني نسأله

ويعطينا وجه ويجاوبنا .. هااه :sneaky:

[أبو شموخ]

ابو شموخ( واجهة المنتدى)



اشكرك والجميع هم واجهة المنتدى


<<< كلام كبير

[تركى]

عـدم جوابك على اسألة الاعضاء بدون اعتذار فيه عدم احترام لهم

ياخي موودك مو ذاك الزود اعتذر عن الموضوع خلنا نشوف وآحد ثاني نسأله

ويعطينا وجه ويجاوبنا .. هااه :sneaky:


لو مابي اجاوب على الاسئلة اعتذرت من البداية

ولاني محتاج احد يعلمني شلون اتصرف

لكن اذا كانت الاسئلة
استهزائية فانا مضطر ارد عليها بنفس طريقتها

[الحر الاشقر]

س- من من الكتاب يعجبك قلمه في المنتدى ؟

س- بماذا تفسر غياب بعض الاقلام عن المنتدى ؟

[تركى]

س- من من الكتاب يعجبك قلمه في المنتدى ؟

س- بماذا تفسر غياب بعض الاقلام عن المنتدى ؟

الكاتب الوحيد بالمنتدى هو مهل بن عدوان الكثيري

لانه الوحيد اللي يكتب ولا ينسخ

غياب بعض الاقلام اولا بسبب الانتقادات والتهجم

ثانيا مافيه شي يشجع ،،،

[الحكيم]

لو مابي اجاوب على الاسئلة اعتذرت من البداية

ولاني محتاج احد يعلمني شلون اتصرف

لكن اذا كانت الاسئلة
استهزائية فانا مضطر ارد عليها بنفس طريقتها


استهزائيه؟ اهنيك على سعة حدود تفكيرك ياولد عمي

[تركى]

الحكيم ؛؛

اولا ممكن توضحلي شنو الهدف من السؤال دوامك صباحي والا مسائي

وثانيا شرايك بالعضو الفلاني كاتبلي تقرييا 6 اسماء وشنو رايك فيكم

شعرفني انا عليهم عشان احكم عليهم والا اقول رائي فيهم


اللي يبي يسأل شخص يسأله عن نفسه مو عن غيره
ومعرب يسأل لقيت شينكوتكم ! ليش انا عايش بجاخور !!

وابو شموخ داخل يشكر عابر

وعابر يرد على الاسئلة

واللي يقول انت من الكويت والا السعوديه

يعني بس حشوووو كلام وسد فراغ


هم اللي خذوا الموضوع على غير محمل الجد مو انا *

[حاتمية]

السلام عليكم ورحمة الله وبركاته


ماذا يعني لك منتدى ال كثير

[تركى]

سؤال حيرني بالاجابه عليه

لكن اقدر اقول انه ارتباطي فيه من اول يوم تسجيلي فيه من اول يوم افتتاحه الى هذه اللحظه


ابلغ وافضل جواب لسؤالك

[أبو شموخ]

ماهو رايك

بعزوف الشعراء عن المشاركه

بالمنتدى وخارجه

[الجموح]

هههههههههههههههههههههههه





كنت أبسأل بس هونت

[عابر سبيل]

ماالومك يالجموح لاهونت عن السؤال


تركي يحاول يمثل دور الحمش

بس ليش ماادري

كأنه اعجبه الدور وللاسف تقمصه

ياجماعه ترا مو هذي حقيقة. تركي

تركي تحطه عالجرح. يبرا

تركي غشمرجي وخلوق

وباله وسيع


بس مدري شجاه وتفرعن علينا بهالموضوع
الظاهر والله اعلم انه يمر بظروف صعبه

والمسكين اللي اكلها حمّال الاسيّه الحكيم صار بوجه المدفعع


هههههههههههه

اقول يااستاذ خالد. الافضل. ان تعتذر. للاعضاء. بالنيابه عن ضيفك

والا نطالبك بقطع الحلقه والاعداد من جديد

خخخخخخ

[تركى]

ماهو رايك

بعزوف الشعراء عن المشاركه

بالمنتدى وخارجه


الشعراء يشاركون بالمنتدى عشان يسون دعاية لنفسهم ولشعرهم فقط لا غير

وبدليل انه الواحد منهم يدخل ديوانه ينزل قصيده ويطلع


ولا يكلف نفسه بالرد على اي موضوع بالمنتدى

او اضافة اي موضوع ,,,

[سقم المعادي]

--- هل تركي إستفاد من المنتدى ؟

--- هل من خلال المنتدى تعرفت على احد من القبيلة او من خارج القبيلة ؟

--- هل تركي يشوف إنجازات المنتدى متماشيه مع عمر المنتدى ام المطلوب اكثر واكثر ؟

--- بماذا تفسر غياب اكثر الاداريين ؟



واسمح لنا على الاطاله

[تركى]

--- هل تركي إستفاد من المنتدى ؟

--- هل من خلال المنتدى تعرفت على احد من القبيلة او من خارج القبيلة ؟

--- هل تركي يشوف إنجازات المنتدى متماشيه مع عمر المنتدى ام المطلوب اكثر واكثر ؟

--- بماذا تفسر غياب اكثر الاداريين ؟



واسمح لنا على الاطاله

نعم استفدت الكثير ,,,

اولها تعرفت على تاريخ القبيلة

وعلى شخصيات تاريخية لامية

وتعرفت على قصص وقصائد تراثية للقبيلة

ولو اني ما زلت على يقين انه اغلب الكثران يعرفون من موروث شيبانهم الكثير

لكن الى الان ماحان الوقت انهم يدونونه بالموقع الرسمي للقبيلة

ونعم تعرفت على الكثير من الشباب واصبح ايضا فيه تواصل عائلي بينا

بالنسبة للبداية التي بدأت بها انجازات المنتدى من حيث الوقت والمضمون

مع قياسها بقلة دخول الاعضاء اعتبرها قياسية وتميز باداء المنتدى

واسرع تحقيق لاهداف وطموحات القائمين عليها

اما عن غياب اكثر الادارين ولو اني مو شايف غياب بصراحة

يمكن ينقطع لكن يرجع

وكلن وظروفه

و الادارين رجاجيل وراهم دوامات ومسؤليات ودواوين

محد فاضي يقابل النت كل يوم

ولو لزم الامر تلقاهم موجوديين

وكذا موضوع تطلب رد من الادارة وجدنا انهم يتفاعلون معاه

ويردون ويلبون حاجة الاعضاء

هنيه تحس انهم متابعين للموقع كزوار

وانا عن نفسي من الاعضاء لما احس انه اي موضوع محتاج رد من الادارة

اقوم اراسلهم وابلغهم بالامر عن طريق الايميل

واليد الوحده ما تصفق والمنتدى ماهو للادارين

المنتدى لنا حنا كلنا

هم وضعوا لنا حجر الاساس والباقي علينا

[كثيري رايق]

ليه ما تجيب على سوال قله يادليم هلا

[صقر ال مظهر]

- لو كنت مكان الادارة ماذا كنت ستفعل لتحافظ على توازن المنتدى

= مالمطلوب من شعراء القبيلة في نظرك

[تركى]

ليه ما تجيب على سوال قله يادليم هلا

لانه يعاند وانا ماحب اللي يعاندون :LolLolLolLol:

نقوله لا تكتب بالاصفر ويرد يكتب فيه

وانا اشبك من الاي فون ولا اعرف اظلل

ولا اشوف كلامه اللي هو كاتبه

[تركى]

نبغى رايك بسبعة شخصيات ونبي الاجابة لا تكون دبلوماسيه


عابر سبيل ---- ورث المطاليق ------ خالد عطالله ---- معرب الجدين ----- ابو شموخ --- صقر العدوان --- الحر الاشقر


عابر سبيل ... شهادتي فيه مجروحه ...

اعطى المنتدى الكثير من وقته وجهده

ولكن للاسف .. !! .. محد مقدر جهوده

وبالمناسبة في عتاب كبييير على شخص ما .. وهو عارف نفسه ..

واتوقع هو المسئول عن هضم حق عابر بالمنتدى ..

وريث المطاليق .. توأم روحي ..

خالد العطالله .. له كل احترام وتقدير ... لمست فيه شجاعه وصراحه وجرأة بالطرح

وابداء الرأي ...

معرب الجدين .. والله وما قالت :LolLolLolLol:
طايش ويكتب كلام مايحسب له حساب ..

وشكلي بكون اول من يصوت على حذف المحادثه بسببه



منو بعد ؟

ابو شموخ .. تواجد ملحوظ .. ونشاط يشكر عليه ...

صقر العدوان .. الله يذكره بالخير ..

الحر الاشقر .. ماحصلي الشرف وتعرفت عليه عن قرب ..
لكن الملحوظ انه فيه حميه على القبيلة من خلال متابعتي لردوده وومواضيعه

مايرفع ولا يرد الا على مواضيع تهم القبيلة

[خالد الكثيري]

بالخير حبيب قلبي تركي نرجو ان ترد على بقية الاسئلة

ونكون شاكرين

[تركى]

- لو كنت مكان الادارة ماذا كنت ستفعل لتحافظ على توازن المنتدى

= مالمطلوب من شعراء القبيلة في نظرك

عفوا يا صقر المظهر نسيت الموضوع ومن زمان ما مريت عليه

بالنسبة للسؤال

لو كنت مكان الادارة ماذا كنت ستفعل لتحافظ على توازن المنتدى



ولو اني على يقين بان توازن المنتدى بيدين الكثران الاعضاء و مو بيدين الادارة

لكن لو كنت مكانهم كنت احرص على التواجد اليومي والمشاركه بالمواضيع

والرد على الاعضاء عشان احمسهم واشجعهم



على الاقل الاعضاء الغيورين راح يشاركون من باب المساندة والتعاطف مع الاداره

اما انهم كمؤسسين يهجرون موقعهم ويبون الناس يعمرونه لهم

هذا شي يرفضه العقل والمنطق

ثاني شي

ادرس ميول الاعضاء واعرف رغباتهم واهتمم بالمواضيع اللي تناسب ميولهم

طرح مسابقات

وبكره اكمل الرد على السؤال الثاني

[خالد الكثيري]

شكرا لاخ تركي على تجاوبة وسعة صدرة