"قصيده /الى ديوانيه الفضول الاعزاء"

[عبيد الكثيري]

اهدى الى ابناء العم الافاضل/قبيله الفضول العزيزه علينا وعلى الجميع
والتمس العذر منكم حيث انني مقصر جدأ في المشاركه في ديونيتكم
ومن هذا المنطلق احب ان اشارك هذه الليله بهذه القصيده
فأرجوبان تلقاء كل ترحاب ولكم مني اجمل التحايا الصادقه
""الى حداك الوقت""

الى حداك الوقت وضاقت بك الدار = وغديت من دنياك مثل الجلاوي
وصبحت حاير من تصاريف الاقدار = والحال طاويها من الوقت طاوي
عليك بالي ذكرهم بين الاقطار =شايع مثل ماشاع ذكر العطاوي
فضولٍ تنومس من عليه الدهرجار = فضول لام اهل السطروالعزاوي
ازبن وكنك زابنن راس سنجار= شوامخٍ من عادته ماتراوي
عدوهم تقصر حباله وينهار = ودخيلهم من دونه الذيب عاوي
فضولٍ على روس العدى تركي النار=وعلى القسى تصبر بعاد الخطاوي
زحولٍ الى قامت صواريم وحرار= كبود تلهدها والاخرتداوي
حمايت التالي وحمايت الجار = من قوم ابن صلال نسل النداوي
شيخٍ ومن طيبه مخلد بالاشعار =شرقٍ وغرب وذاكره كل راوي
يوم الطرد والخيل نسمع بالاخبار = الفضلي الفارس لعشره يساوي
والى تعزوت سيفها سيف بتار= من قوها تخلف بعيد الهقاوي
الشاعر/عبيد بن صحين بتال الكثيري

[الحر الاشقر]

يستاهلون الفضول شيوخ ويرفعون الراس وصح السانك

[د/ صالح العليوي]

صح لسانك يا شاعرنا على هذه القصيدة

[عبيد الكثيري]

لاهنت يالحر الاشقر وصح الله لسان الجميع
وتقبل اجمل التحليا

[أبو لام]

صح لسانك وسلم بنانك ابن العم الشاعر الغالي
نشكرك كل الشكر على هذه القصيدة بيض الله وجهك
ولا يهون ابناء العم الكثران والمغيرة كلهم خير وبركة ولا عليهم زود
وبني لام عامة كلهم اهل الطيب والشجاعة والكرم وكل مكارم الاخلاق
كلهم فخر وسند لبعضهم وكل منهم يفتخر بالاخر
وهذا ما لمسناه جليا في هذا الموقع المبارك وما تكتبه انت وكذلك أقلام كافة الأعضاء والقائمين على الموقع

فجزاكم الله خير الجزاء وسدد على طريق الخير خطاكم
وجعلكم سندا عامرا وسببا للتلاقي والمحبة بين الجميع

ولكم مني جميعا كل تحايا الحب والتقدير

[قلب الاسد]

صح لسانك ياشاعر ال مظهر

ويستاهلون الفضول المدح

[أبو عايشه الفضلي]

صح الله لسان شاعرنا

كلام جزل من رجال جزل

[صقر العطالله]

صح السانك يابو صحين والفضول نعم قليله في حكهم

[راعي المجاهيم]

مافيك حيلة يا بو طارق

صح الله لسانك مليون

وابنا العم الفضول يستاهلون المدح ونعم قليل بحقهم

[محمد الغزى]

ماعليك زويد يابن العم وقصيدة وافيه وجزله

[صقر بن عدوان]

صح لساانك يابو طارق

[يوسف بن عبدالله]

صح لسانك

[فضلي وافتخر]

ابيات جزله ومميزه
الله يجزاك خير شاعرنا عبيد الكثيري
صح لسانك وعلا شانك
ونعم بجميع ابناء العم
وفقكم الله

[ناصر الجفران]

والله يا ابن العم اني ما قريتها
غير هاللحين.
صح لسانك وبيض الله وجهك
ودوووووووم يا عبيد تنومس
بقصيد وفعل .
ونومستنا ومتعتنا بقصيدتك
صح لسانك .

[فضول لام]

والله يا ابن العم اني ما قريتها
غير هاللحين.
صح لسانك وبيض الله وجهك
ودوووووووم يا عبيد تنومس
بقصيد وفعل .
ونومستنا ومتعتنا بقصيدتك
صح لسانك .


مثل ما قال اخوي ناصر

ماقريناها الا الحين , صح السانك , و نعم بالجميع
قصيدة طيبة , والطيب مايجي منه الا الطيب.

[إبن عطالله]

صح السانك ياعبيد والفضول يستاهلون

[عبيد الكثيري]

صح لسانكم انتم

ونحنو جميعأ قبيله واحده ويدأواحده مهما تغيرت الاسماء والظروف يااخوان ياناس لا تفرقونا ارجوكم فضلي /كثيري/مغيره

لام اشمل واعم واسم لام يهز الارض وماعليها والكل يعرف لام وشوكتها انذاك

هذي نضرتي ويمكن اكون مخطي بس اهم شي التكاتف والتعاون ياللابتي

تحياتنا لكم >>>>>>>>>>>>>>>> ايعيشك