المساعد الشخصي الرقمي

مشاهدة النسخة كاملة : ترحيب من العروج


المشير
13-12-2007, 10:51 PM
هذي قصيدة قيلت بمناسبة زيارة بني لام لأسرة العروج بمدينة جبة شمال حائل بتاريخ 7 / 3 / 1424هـ

للشاعر / حمد بن محمد بن رميح العروج


قال الذي يبدأ بزين التعابير=من فرحة بالصدر جاب تعبيره
أهلاً هلا إعداد ماغرد الطير=وعدالكواكب بالوجيه السفيره
عد الشجر وعد مافيه تبضير=وعدالنجوم وعد رمل الجزيرة
ترحيب من العروج معزة وتقدير=بكثران وفضول وبكم يالمغيرة
ترحيبةٍ باللي لفونا مسايير=وباللي لفوا زوار من كل ديرة
ترحيبةٍ منا بكم يالمناعير=ترحيبةٍ فيكم وبكل العشيرة
بأهل الشهامة مكرمين الخطاطير=بأهل المروّة بالسنين العسيرة
وياما وتتكم من ضيوف ومسايير=قبيلةٍ شهمة وعلى المعادي ضريرة
وفيكم شيوخ ورجالٍ مشاهير=نشرة لكم أخبار في كل ديرة
نلتوا فخر بالطيب ومزاعم الغير=ريف الضعيف وعز من يستجيره
واللي عنا لأسلافكم حصّل الخير=في وقت صعب والمعوشة عسيرة
ياهل العلوم الطيبة يالمشاهير=ماضيكم والحاضر يشرف مسيرة
تاريخكم سجل من المجد أساطير=ولا نحصي اللي قيل بمدح العشيرة
ونرجو السموحة من كل زلة وتقصير=ونرجو السموحة من طيبين المسيرة
وصلوا على اللي جاكم بالتباشير=على النبي إعداد مبصر نضيرة


وسلامتكم


ملاحظة : القصيدة منقولة من ورقة وزعها الشاعر بعدما ألقاها بهذه المناسبة

الكثير
13-12-2007, 11:24 PM
تسلم على النقل يالمشير.....



ياليت لو تعطينا تفصيل للزياره وعن كل صغيره وكبيره يعنى نبى شرح ممل:)




نبى نعرف شنو يصير من ورانا :6a5

المشير
13-12-2007, 11:37 PM
تسلم على النقل يالمشير.....



ياليت لو تعطينا تفصيل للزياره وعن كل صغيره وكبيره يعنى نبى شرح ممل:)




نبى نعرف شنو يصير من ورانا :6a5


ههههههه

أبشر طال عمرك ،،

إذا أجبت الدعوة وزرتنا إن شاء الله ذيك الساعة نعطيك التفاصيل

وشاكر ومقدر مرورك يالغالي

الكثير
14-12-2007, 12:25 AM
ان شاءالله بجيكم وتشرف بمعرفتكم...

وباقى الكثران اللى مايقدرون يجون شلون ؟؟؟ يبون يعرفون السالفه:)

نبى نعرف التفاصيل عشان تعم الفايده للجميع ويعرفون اخبار ربعهم انهم يجتمعون ويصير دافع لغيرهم للتواصل...


تقبل مرورى يابعدى...

الحيص
14-12-2007, 12:37 AM
الله يعطيك العافيه على النقل













وانا اضم صوتي(( للكثير)) ابي شرح ممل :) :)

الخالد
14-12-2007, 12:43 AM
يعطيك العافيه

المشير
14-12-2007, 07:59 AM
يعني ماسألتوا عن التفاصيل إلا عن هالزيارة بس

هذي زيارة ضمن عدة زيارات مابين الحريق والرياض والمزاحمية وأشيقر وضرية ومسكة وضرما وغيرها

وكانت الزيارات منظمة بمواعيد بين كل موعد وموعد تقريباً أربعة الى ستة أشهر

والبداية كانت في الحريق عند آل محمد من الكثران ثم تلتها زيارات أخرى للمدن والقرى المذكورة

طبعاً الزيارات اللي بدأ فيها الكثران وتوسعت فيما بعد مع الفضول في الرياض والمزاحمية والمغيرة في أشيقر ،،

المهم في هذه الزيارة اتذكر ذهبنا مجموعة من الشباب والشيبان من أهل ضرية وعفيف الى حائل واستضافونا في

استراحة في حي مشار وبعد ما أصبحنا رحنا الى جبة وتغدينا فيها وبعد الغداء مرينا على كذا بيت لتناول القهوة

والشاهي ،، والحضور كان كبير من الكثران والفضول والمغيرة ،،،

والملفت في هالزيارة ( طريقة تقديم التمر ) كل بيت ندخله نجد التمر في صحون كبيرة جداً ( صحون مفطحات ) ممتدة

من أول المجلس الى آخره والصحن الواحد ممتليء أضعاف مايتحمله وفي اعلى التمر الزبد والسمن ( هذا غير الغداء )

هذا ماأتذكره عن هذه الزيارة ،،،

والله يحييكم يااهل الكويت جميعكم من صغيركم الى كبيركم والتنظيم ان شاء الله يبي يكون مع ابو خالد وابو سالم

من غير قصور بالباقين ،،

المشير
16-12-2007, 10:18 AM
ونعم بالضيوف والمضيف

وصح الله لسان الشاعر


ماعليك زود يابو نهير

مرورك أسعدني طال عمرك


بارك الله فيك

المشير
26-12-2007, 11:12 PM
أخوي الغالي الحيص

أخوي الغالي أصيل


شاكر مروركم الكريم