المساعد الشخصي الرقمي

مشاهدة النسخة كاملة : تحظر البعض بالكلام بشكل ماصخ !!


غدى الشر
12-12-2007, 09:24 AM
السلام عليكم ورحمة الله وبركاته
اول شي اسمحولي على اسم الموضوع لكن فعلا في بعض الناس تغير لهجتها بشكل ماضخ جدا يعني من متى في ناس من الكثران يقولون (ي) بدال (ج) .
انا مو قصدي اننا نكون جلفين بالكلام لكن في شغلات زياده عن حدها مثل وايد , ييبه , ياي , ....الخ
ياجماعه نحن في موقع قبلي يعني يهتم بالموروث الشعبي وكلامنا .
انا ما اقول نتكلم مثل شيابنا وعجزنا لكن في ناس تلوي لسانها حيل وهذا مو من لهجتنا ولا طريقتنا فياليت الكل يهتم لطريقه كلامه .
بالاول والاخير الكلام يرد على الشخص نفسه وانا اتكلم عن وجهة نظري ويمكن البعض يخلافني لكن قسم بالله هذا الكلام مو لنا ويرفع ضغطي .
بدال لا نهتم بلهجت اهلنا ونحافظ عليها حتى بالمنتديات القبليه في ناس تتحظر والله شي عجيب

نعيب في زماننا والعيب فينا ,,,, وما لزماننا عيب سوانا

فالرجاء من الاخوان والاخوات اللي يقرون الموضوع يردون علي ويفهموني والله ان لما اقرى كلام شخص لاوي لسانه تندبل جبدي .
حنا يالكثران ما صدقنا صار لنا موقع وقمنا نتنومس ومكيفين = ( مستانسين) تصير هالشغلات .
للمعلوميه في ناس تكشخ لما تحظر يعني جايب حده عباله لما يتكلم عادي الناس تنقد عليه او شي من هذا ..
والمصيبه كلنا عيال بطن واحد يعني كلن يعرف الثاني ..
لا يصلح العطار ما افسده الدهر

ياليت على كل الاخوان التفاعل مع الموضوع ودمتم

المشير
12-12-2007, 12:43 PM
أخوي غدي الشر

هذي وانا أخوك لهجات تختلف من منطقة الى أخرى وشيء طبيعي ان تستنكر بعض اللهجات وخاصة إذا كان الشخص متعود على لهجته المحلية وسافر مثلاً الى الشمال او الى الجنوب سيجد اختلاف ولن تعجبه بعض الكلمات أو بعض الحروف ،، لكن الشخص المقابل الذي يتحدث بلهجته لايدري انك تستنكرها كما أنك لاتدري أنه يستنكر بعض لهجتك
وهذا أمر عادي جداً

وخذ عندك مثال من موضوعك : أنت استنكرت من يستبدل حرف ( ج ) بحرف الياء مثل قولة مسيد ( مسجد ) و ( رياييل ) رجاجيل وننطقها نحن بمنطقة نجد ( رياجيل ) يعني استبدلنا حرف وتركنا حرف ،، وكل منطقة لها لهجة وهكذا
ولم تسنكر انك استبدلت حرف ال ( ك ) بحرف ( ج ) بقولك جبدي ( كبدي ) لأنك متعود عليها

إذن المسألة مسألة تعود على لهجة معينة حسب البيئة المحيطة ،،،


تقبل مرور أخوك

الخالد
12-12-2007, 12:52 PM
حنا يالكثران ما صدقنا صار لنا موقع


حلوه


اخوي المشير



حنا كل الكويتيين نقول جبدي بس موكلنا نقول ( ج ـ ي) .

علما بأن كثران الكويت كلهم من بيئه وحده وبنفس مستوى المعيشه

وبنفس المناطق السكنيه.

وتقريبا كلنا مرتبطين مع بعض من ناحيه النسب والجيره والرضاعه .

وعندنا مثلا العجمان ليلحين محتفضين بلهجتهم حتى الجهال ويفتخرون فيها .

تركى
13-12-2007, 07:24 PM
والله رائي من رايك!!!

بس كلن عقله براسه ويعرف خلاصه

دايم السيف
13-12-2007, 11:41 PM
أخوي غدي الشر

هذي وانا أخوك لهجات تختلف من منطقة الى أخرى وشيء طبيعي ان تستنكر بعض اللهجات وخاصة إذا كان الشخص متعود على لهجته المحلية وسافر مثلاً الى الشمال او الى الجنوب سيجد اختلاف ولن تعجبه بعض الكلمات أو بعض الحروف ،، لكن الشخص المقابل الذي يتحدث بلهجته لايدري انك تستنكرها كما أنك لاتدري أنه يستنكر بعض لهجتك
وهذا أمر عادي جداً

وخذ عندك مثال من موضوعك : أنت استنكرت من يستبدل حرف ( ج ) بحرف الياء مثل قولة مسيد ( مسجد ) و ( رياييل ) رجاجيل وننطقها نحن بمنطقة نجد ( رياجيل ) يعني استبدلنا حرف وتركنا حرف ،، وكل منطقة لها لهجة وهكذا
ولم تسنكر انك استبدلت حرف ال ( ك ) بحرف ( ج ) بقولك جبدي ( كبدي ) لأنك متعود عليها

إذن المسألة مسألة تعود على لهجة معينة حسب البيئة المحيطة ،،،


تقبل مرور أخوك


كفيت ووفيت

غدى الشر
14-12-2007, 01:51 AM
أخوي غدي الشر

هذي وانا أخوك لهجات تختلف من منطقة الى أخرى وشيء طبيعي ان تستنكر بعض اللهجات وخاصة إذا كان الشخص متعود على لهجته المحلية وسافر مثلاً الى الشمال او الى الجنوب سيجد اختلاف ولن تعجبه بعض الكلمات أو بعض الحروف ،، لكن الشخص المقابل الذي يتحدث بلهجته لايدري انك تستنكرها كما أنك لاتدري أنه يستنكر بعض لهجتك
وهذا أمر عادي جداً

وخذ عندك مثال من موضوعك : أنت استنكرت من يستبدل حرف ( ج ) بحرف الياء مثل قولة مسيد ( مسجد ) و ( رياييل ) رجاجيل وننطقها نحن بمنطقة نجد ( رياجيل ) يعني استبدلنا حرف وتركنا حرف ،، وكل منطقة لها لهجة وهكذا
ولم تسنكر انك استبدلت حرف ال ( ك ) بحرف ( ج ) بقولك جبدي ( كبدي ) لأنك متعود عليها

إذن المسألة مسألة تعود على لهجة معينة حسب البيئة المحيطة ،،،


تقبل مرور أخوك

حياك الله على المرور واظن اخوي الاصيل شرحه كان وافي وتسلم

غدى الشر
14-12-2007, 01:52 AM
حلوه


اخوي المشير



حنا كل الكويتيين نقول جبدي بس موكلنا نقول ( ج ـ ي) .

علما بأن كثران الكويت كلهم من بيئه وحده وبنفس مستوى المعيشه

وبنفس المناطق السكنيه.

وتقريبا كلنا مرتبطين مع بعض من ناحيه النسب والجيره والرضاعه .

وعندنا مثلا العجمان ليلحين محتفضين بلهجتهم حتى الجهال ويفتخرون فيها .

شكر عالشرح الوافي وتسلم على المرور

غدى الشر
14-12-2007, 01:54 AM
سلم لي على الكثيري اللي يقلب الجيم ياء وقولُ مهل يقول لك ياملا أبو دمغه والله

ههههههههههههههههههههههه
دمغتين وغسل يغسل هالحلق والله كلامك سليم جدا واوفقك الراي والله يا شاعرنا انها تنمرس جبدي لا قريت ياي ومن هالكلام وحياك تؤوبرني

مرعيد الكثيري
14-12-2007, 02:50 AM
وسع صدرك غدى الشر ,,,,,
مثل ما قالوا الاخوان : (حسب البيئه)
في كثران معاشرين حضر , اوساكنين في مناطق حضرية , او تحضروا اصلا ,
واختلف مع اصيل في لهجة العجمان , لان بعضهم خاصة اللي في مناطق الحضر او اللي يشتغلون مع حضر تغيرت لهجتهم .
ويا جماعة كل قبيلة فيها حضر وبدو . وفيها نفس المشكله .
واذا زعلانين على لهجتنا , ليش ما نزعل على اللغه العربيه اللي هي لغه القران .ولغتنا السابقه .
وتقبل مروري...............وتحياتي

أســـير الــــروح الكثيرى
14-12-2007, 02:51 AM
اللة يعطيك العافيةورائى من رائيك

السراج المنير
14-12-2007, 04:05 PM
أنا أشوف إن الموضوع عادي ومثل ما يقول علماء اللغة إن اللغة كائن

حي تتغير مع الوقت والظروف

والانسان تبعا لاحتكاكه بزملاء العمل والاصدقاء والجيران و أحيانا انسباه

أو خواله ما يكونون من نفس قبيلته ولا ننسى تأثير وسائل الاعلام

خاصة على الأجيال الجديدة فلازم يطرأ تغيير على لهجته وإن كان

بدرجات متفاوته حسب سماته الشخصية يعني في ناس بسرعة

يتأثرون ويتغيرون وناس التغيير يكون بطيئ عليهم

والأمر فيه سعة يا اخوان مادام مافيه حرام ولهجتنا ماهي قرآن منزل

وان كنا نعتز فيها جدا 0000ودمتم

دايم السيف
14-12-2007, 06:28 PM
كفو والله يا مرعيد وفعلا ان كاننا بنزعل زعلنا على لغة القرأن

*ن*ب*ض*
14-12-2007, 06:42 PM
مممممممممم .. يا شباااااااااااااااب مو جنكم طبيتو فيــــــــــنا ..
أنا كثيريه أبا عن جد .. ووأبوي وأمي عيال عم بعد ..
وأعترف وكل اللي حولي يدرون اني بدوية ..لكن مع هذا إحنا متحضرين من زمان .. وحتى بناتنا الكبار يتكلمون يال(ياء) لأنه خلاص تعودنا عليها من أحنا صغاااار ولا أشوف فيها عيب إذا تكلمنا حضري .. العيب وأنا بنت عمكم إنا الواحد يتنكر من أصله .. أو يستحي يقول إنه بدوي ..
وأنا أفتخر قدااام البدوان والحضر إني بدوية .. وحتى اللي يشك بهالشي من طريقة كلامي أثبت له وأبينله إنا بدو لكن متحضرين ..
وتقبلوا مروري :$

الخالد
15-12-2007, 01:37 AM
علما بأن كثران الكويت كلهم من بيئه وحده وبنفس مستوى المعيشه

وبنفس المناطق السكنيه.

وتقريبا كلنا مرتبطين مع بعض من ناحيه النسب والجيره والرضاعه .


تصحيحا للمعلومه

اغلـــــــب كثــــــــران الكـويــت

انا اقصد

الفئه اللي يربطهم في بعض النسب و الجيره والرضاعه..

مـــــو الكل






واخيرا هي حريه شخصيه..

الكثير
15-12-2007, 06:41 AM
شى جميل ان الواحد يحتفظ بلهجته...


وبنفس الوقت مو عيب اذا تغيرت مع الوقت... وتأثر بالناس اللى حوله وهو صغير من ..جيران ...واصحاب..


بس اللى يقهرك اذا الشخص يتعمد وفجأه تلقاه انقلب بيوم وليله صار كلامه حضرى والمشكله اخوه اصغر منه كلامه بدوى...


بالنهايه...

اللهجه ..والمربا ...واللبس...ماتأثر فى اصل الانسان ولا تعيبه بشى...

اللى يعيبه سلوكه وتغيير اسلوم اهليه وتغيير عاداته....:6a5

مرعيد الكثيري
15-12-2007, 11:15 AM
كفو والله يا مرعيد وفعلا ان كاننا بنزعل زعلنا على لغة القرأن

:wardاشكرك دايم السيف على التأييد

الظلماوي
15-12-2007, 04:27 PM
اخوي غدى الشر مادري شفيك علينا احنا يالحضر!! :)
ياخي هذا كلامنا احنا يا عيال الضاحيه:)
يعني تبيني اغير لهجتي اللي متربي عليها ؟؟ شتبي يقولون عني اصدقائي ؟؟ :) :) :)
ههههههههههههههههههههههههههههههههههههههههه

كويتي سابق
15-12-2007, 05:20 PM
مو عيب ان الواحد يتكلم حضري اذا كانت اللهجة تعود عليها من البيئة والمحيط اللي عايش فيه

ولكن يؤخذ على اللي في بتهم لهجة او نقول لكنة اذا صح التعبير ويحاول يغير 180 درجة بره البيت لانه يستحي من لكنته

اما اللي يقولون ليش مانتكلم بدوي مثل اهلنا قبل فانا اقول كل زمان وكل جيل له وضعه الخاص وحتى اهلنا ماالتزموا بمن قبلهم واللي قبل اللي قبلهم ولا جان لقيناهم للحين يتكلمون الفصحى

والموضوع تقديري واللغة تتطور يعني مو معقولة الحين تلقى واحد يقول (وش هالهرج) هذا كلام قديم مو مستعمل هالوقت

وحتى الحضر لهجتهم ولكنتهم تتطور وبعض الكلمات عندهم تتغير الموضوع ليس قاصر على البدو

ومافي ثوابت كاملة في اللهجات يعني بدوي العارق غير بدوي نجد فهل اذا تكلمت مثل بدو العراق اصير مو بدوي بنظر بدو نجد؟


الموضوع تقديري ويرجع للبيئة اللي يعيش فيها الانسان نفسه وليس بيئة اجداده

تقبلوا تحياتي

&(أسامه)&
15-12-2007, 06:07 PM
تسلم ومشكور على اهتمامك

غدى الشر
15-12-2007, 08:42 PM
وسع صدرك غدى الشر ,,,,,
مثل ما قالوا الاخوان : (حسب البيئه)
في كثران معاشرين حضر , اوساكنين في مناطق حضرية , او تحضروا اصلا ,
واختلف مع اصيل في لهجة العجمان , لان بعضهم خاصة اللي في مناطق الحضر او اللي يشتغلون مع حضر تغيرت لهجتهم .
ويا جماعة كل قبيلة فيها حضر وبدو . وفيها نفس المشكله .
واذا زعلانين على لهجتنا , ليش ما نزعل على اللغه العربيه اللي هي لغه القران .ولغتنا السابقه .
وتقبل مروري...............وتحياتي

اخوي مرعيد اولا شاكر لك مرورك
ثانيا :
انا اوافقك الراي وكلام سليم ميه بالميه لكن انا تكلم عن فئه وضح قصدي فيهم اللي هم ربعنا اهل الكويت اللي ربيتنا واهلنا فيهم ناس يلوون حلقهم يملا اللوي وهو مو كلامهم يتصنعونه هذا اللي يذبحك وشاكر لك

غدى الشر
15-12-2007, 08:43 PM
أنا أشوف إن الموضوع عادي ومثل ما يقول علماء اللغة إن اللغة كائن

حي تتغير مع الوقت والظروف

والانسان تبعا لاحتكاكه بزملاء العمل والاصدقاء والجيران و أحيانا انسباه

أو خواله ما يكونون من نفس قبيلته ولا ننسى تأثير وسائل الاعلام

خاصة على الأجيال الجديدة فلازم يطرأ تغيير على لهجته وإن كان

بدرجات متفاوته حسب سماته الشخصية يعني في ناس بسرعة

يتأثرون ويتغيرون وناس التغيير يكون بطيئ عليهم

والأمر فيه سعة يا اخوان مادام مافيه حرام ولهجتنا ماهي قرآن منزل

وان كنا نعتز فيها جدا 0000ودمتم


نعم لكن واللي يتصنع شنو تقول فيه وشكرا على المرور

غدى الشر
15-12-2007, 08:45 PM
مممممممممم .. يا شباااااااااااااااب مو جنكم طبيتو فيــــــــــنا ..
أنا كثيريه أبا عن جد .. ووأبوي وأمي عيال عم بعد ..
وأعترف وكل اللي حولي يدرون اني بدوية ..لكن مع هذا إحنا متحضرين من زمان .. وحتى بناتنا الكبار يتكلمون يال(ياء) لأنه خلاص تعودنا عليها من أحنا صغاااار ولا أشوف فيها عيب إذا تكلمنا حضري .. العيب وأنا بنت عمكم إنا الواحد يتنكر من أصله .. أو يستحي يقول إنه بدوي ..
وأنا أفتخر قدااام البدوان والحضر إني بدوية .. وحتى اللي يشك بهالشي من طريقة كلامي أثبت له وأبينله إنا بدو لكن متحضرين ..
وتقبلوا مروري :$

شكرا على المرور لكن بسالج سؤال ليش انتو تاثرتو بالحضر ليش مو الحضر اللي تاثرو فيكم ؟
هل هم يعتزون بلهجتهم وكلامهم اكثر منكم ؟
كلنا نتكلم كلام اهل الكويت بس ما نقلب الجيم ياء وياليت تجاوبين بكل صراحه

غدى الشر
15-12-2007, 08:46 PM
حتسيي ماهو عن الحضري من الأساس


أبي البدوي إشعندو يوم إنّهُ يميّل بلسانهُ ويغيّر حتسيوُ؟.


مثل ما الحضري يعتز بلغتهُ ويحتفظ فيها ليه البدوي ما يحتفظ بلغتوٌ ؟.


ليه يرضى يتنازل عن حتسيوُ ؟ وليه مو هم يتنازلون حن حتسيهم ؟.

ليه يتأثّر وما يأثّر يا ملا المحاور وأبو دمغه ؟.


بعد زولي يا بو نهير كلامك يبرد على القلب بيض الله يور فيس

غدى الشر
15-12-2007, 08:47 PM
شى جميل ان الواحد يحتفظ بلهجته...


وبنفس الوقت مو عيب اذا تغيرت مع الوقت... وتأثر بالناس اللى حوله وهو صغير من ..جيران ...واصحاب..


بس اللى يقهرك اذا الشخص يتعمد وفجأه تلقاه انقلب بيوم وليله صار كلامه حضرى والمشكله اخوه اصغر منه كلامه بدوى...


بالنهايه...

اللهجه ..والمربا ...واللبس...ماتأثر فى اصل الانسان ولا تعيبه بشى...

اللى يعيبه سلوكه وتغيير اسلوم اهليه وتغيير عاداته....:6a5

كلام جدا سليم لكن يابو خالد انا والله قصدي على اللي يتصنعون وثانيا متى جتنا الحظريه تكفى يابو خلود ندري المهم الاخلاق والادب

غدى الشر
15-12-2007, 08:49 PM
اخوي غدى الشر مادري شفيك علينا احنا يالحضر!! :)
ياخي هذا كلامنا احنا يا عيال الضاحيه:)
يعني تبيني اغير لهجتي اللي متربي عليها ؟؟ شتبي يقولون عني اصدقائي ؟؟ :) :) :)
ههههههههههههههههههههههههههههههههههههههههه

لا بو فطوم انا ما قصدت العمام الظلامه انتو من اهل السور ومعروفين ومعروف بيت العم رغيان بفريج الصقر بالمرقاب .
لكن بغيت اسال شصار على بيت ايديده اللي بالسره وقطعه الارض حقت العم بو بشار اللي بالمسيله خلصتو منها ولا بعد

غدى الشر
15-12-2007, 08:51 PM
مو عيب ان الواحد يتكلم حضري اذا كانت اللهجة تعود عليها من البيئة والمحيط اللي عايش فيه

ولكن يؤخذ على اللي في بتهم لهجة او نقول لكنة اذا صح التعبير ويحاول يغير 180 درجة بره البيت لانه يستحي من لكنته

اما اللي يقولون ليش مانتكلم بدوي مثل اهلنا قبل فانا اقول كل زمان وكل جيل له وضعه الخاص وحتى اهلنا ماالتزموا بمن قبلهم واللي قبل اللي قبلهم ولا جان لقيناهم للحين يتكلمون الفصحى

والموضوع تقديري واللغة تتطور يعني مو معقولة الحين تلقى واحد يقول (وش هالهرج) هذا كلام قديم مو مستعمل هالوقت

وحتى الحضر لهجتهم ولكنتهم تتطور وبعض الكلمات عندهم تتغير الموضوع ليس قاصر على البدو

ومافي ثوابت كاملة في اللهجات يعني بدوي العارق غير بدوي نجد فهل اذا تكلمت مثل بدو العراق اصير مو بدوي بنظر بدو نجد؟


الموضوع تقديري ويرجع للبيئة اللي يعيش فيها الانسان نفسه وليس بيئة اجداده

تقبلوا تحياتي


كلام سليم وشكرا على المرور لكن المقصد من اللي يتصنعون مثل ماتقول برا ليش كلام اهلنا يفشل ترى ما قلنا نتكلم شبوه وعلاموه ويابعد زولي لكن مو الدرجه الي الحين وصلت الكل يلوي لسانه والله غلط

الظلماوي
15-12-2007, 09:10 PM
لا بو فطوم انا ما قصدت العمام الظلامه انتو من اهل السور ومعروفين ومعروف بيت العم رغيان بفريج الصقر بالمرقاب .
لكن بغيت اسال شصار على بيت ايديده اللي بالسره وقطعه الارض حقت العم بو بشار اللي بالمسيله خلصتو منها ولا بعد



والله اخوي غدى الشر مع اني ما احب اتشيحط جدام الناس بس دامك سئلتني فراح اياوبك :) (اجاوبك )
بيتنا اللي بالسره ايرناه ( اجرناه ) :) على السفاره السويسريه ومدخولها الشهري خليناه وقف
والارض اللي بالمسيله تثمنت وفلوسها تبرعنا فيها لاسقاط قروض المواطنين ( دفعت بلا )
تدري نحب نساعد الفقارى والمحتاجين :) :) :)

الظلماوي
15-12-2007, 09:12 PM
اسف ( المحتايين ) :)

أماليد
15-12-2007, 11:55 PM
وجهة نظري تنطبق على وجهة نظر الأخ مرعيد الكثيري


وشكرا

< الــمــساعـيـد >
16-12-2007, 12:44 AM
صح يا خوي !!!! :) ,, ترا كلن وبيئته والمكان الى تربى فيه !! ,, صحيح ودنا نحتفظ بلهجتنا ولا نغيرها :(,, لكن الواقع يفرض عليهم هالشى ,, يعني ان جيت للحريم الاغلبيه توظفت وخالطت !!,, وان جيت لشباب ((الله يصلحهم )) يقلدون النطيحه والمترديه :mad:,, وبمناسبة هالموضوع عندي ملاحظه او انتقاد شريف على الكثران ,,

حنا ما نرضى ان عيالنا ((الصبيان ))من صغرهم يقعدون بالدواوين ,,ولا كبروا هاوشناهم ليه ما تجي الديوانيه ؟؟؟؟؟ :mad:,, ولما تشوف اهل الجنوب تلقى الولد يمكن بالروضه لابس غتره وعقال وقاعد بالديوانيه :eek:!!! وواحدهم لا سلمت عليه كلاك بالسلام ((ماشالله)) متعلمين سلوم الرجال والدلال من الدواوين :confused: ,, وحنا عيالنا لو تسأله وين ابوك قال (( مدري )) :confused: !!! ,, ولو واحد من عيال عمه يدخل المستشفى ما يزوره !! لا قلتله ليش قال ((شدراني محد قالي)) !!!!؟؟؟؟

اسمحولي يمكن دخلت بموضوع ثاني ,, لكن ابيهم يصيرون احسن الناس ,, ((انا ماقول كلهم )) في ناس ماشالله عليها وفي ناس خلف الله عليها ,, ((وهذي وجهة نظر )):):) والسموحه ياعيال العم ترا انا بعد واحد منكم :p

غدى الشر
16-12-2007, 01:10 AM
صح يا خوي !!!! :) ,, ترا كلن وبيئته والمكان الى تربى فيه !! ,, صحيح ودنا نحتفظ بلهجتنا ولا نغيرها :(,, لكن الواقع يفرض عليهم هالشى ,, يعني ان جيت للحريم الاغلبيه توظفت وخالطت !!,, وان جيت لشباب ((الله يصلحهم )) يقلدون النطيحه والمترديه :mad:,, وبمناسبة هالموضوع عندي ملاحظه او انتقاد شريف على الكثران ,,

حنا ما نرضى ان عيالنا ((الصبيان ))من صغرهم يقعدون بالدواوين ,,ولا كبروا هاوشناهم ليه ما تجي الديوانيه ؟؟؟؟؟ :mad:,, ولما تشوف اهل الجنوب تلقى الولد يمكن بالروضه لابس غتره وعقال وقاعد بالديوانيه :eek:!!! وواحدهم لا سلمت عليه كلاك بالسلام ((ماشالله)) متعلمين سلوم الرجال والدلال من الدواوين :confused: ,, وحنا عيالنا لو تسأله وين ابوك قال (( مدري )) :confused: !!! ,, ولو واحد من عيال عمه يدخل المستشفى ما يزوره !! لا قلتله ليش قال ((شدراني محد قالي)) !!!!؟؟؟؟

اسمحولي يمكن دخلت بموضوع ثاني ,, لكن ابيهم يصيرون احسن الناس ,, ((انا ماقول كلهم )) في ناس ماشالله عليها وفي ناس خلف الله عليها ,, ((وهذي وجهة نظر )):):) والسموحه ياعيال العم ترا انا بعد واحد منكم :p

اوافقك الراي وترى انا من الناس اللي تقول عنهم مشالله عليهم (((((:

< الــمــساعـيـد >
19-12-2007, 12:10 AM
الله يكثر من أمثالك ,,

وشكل هالموضوع يبيله موضوع جديد ,,

غدى الشر
19-12-2007, 03:54 AM
الله يكثر من أمثالك ,,

وشكل هالموضوع يبيله موضوع جديد ,,

الله يجزاك خير تبي تجدد الموضوع حاضر بس ترى حقوق الملكيه لي اشتكي عليك ادفع وندرس العرض حنا وياهلا ويامرحبا

المظهري اللامي
17-07-2008, 05:27 AM
بارك الله فيك