ليشااااات ..نبهانيه..

[نبهانيه]

دائما يطري بالي وبال اي انسان مجموعة ليشات ..وليش تعني لمااااااااااذا ..
المهم عندي ليشات واجد حبيت اشاركم فيها واشوف رايكم ..

ليش دائما الانسا الطيب والصافي يقولون عنه للاسف خبل ..

وليش دائما الانسان اللي يعطي ويعطي ويعطي ولو مره يوقف عن هالعطاء الناس تجحد اي شي كان معطيه من قبل ..

وليش الانسان اللي يااخذ ويااخذ ويااخذ ومره يغلط ومن غير قصد يعطي العالم يخلونه ولا حاتم الطائي ..

وليش الناس لما تشوف احد ساكت عنهم ولا يحب يجادلهم يقولون ضعيف ...

وليش الانسان اللي يجادلهم ويناقشهم يقولون ملسون ...تناقض صح..

وليش اللي يوصل الناس واهله ولا يقطع فيهم الناس تمل منه وتستقبله ببرود ..

واللي مايدري عنهم وقاطع فيهم لو مره يغلط ويجيهم تلقى العالم مسوين له احتفال ويستقبلونه
استقبال حافل مثل مايقولون..

وليش الناس تحب البعيد ..وتحاول تبعد عن القريب..

وليش الام تحب الكبير والصغير اكثر من الوسطي ....معاناه والله ...
وليش الابو يحب بنته اكثر من ولده والام العكس....

وليش الناس اللي ساكت عنهم ولايبي يتطاول عليهم يتمادون معاه واللي يرد عليهم
ويغلط يسكتون عنه ...
ليش الادب مع الناس صار نادر وقلة الادب صارت قوه ..
كل انسان يقدر يكون قليل ادب بس مو اي احد يقدر يكون مؤدب ..
ليش انقلبت موازين الحياه وصار الصح غلط والغلط صح ..

ليش الظالم صار مظلوم والمظلوم خلوه الظالم ..

ليش اللي يقول الحق يصير عدو والمنافق يصير الصديق ...

ليش الناس اللي تحبنا مانحبهم واللي نحبهم مايحبونا ..فعلا عجيبه هالليش ...وتصير دائما..

ليش انا قلت هالليشات ...والله ماادري ....

تقبلوووا ليشاااااتي .....اختكم نبهانيه [/color]..:p

[نبهانيه]

ههههههههه منور ياولد العم مرورك يكفي ...وعلى قولتك الليشات واجد ....

[كويتي سابق]

الرد علي ليشاتج بالتالي

1- كل شي لازاد عن حده انقلب ضده

2- السالب يتجاذب مع الموجب

3- وكل شي نسبي


كل ليش جربي تركبين لها اجابة من الثلاث اجابات السابقة وراح تلقين كل ليش لها اجابة

تحياتي :)

[خالد بن راشد]

نبهانيه ..


ليشاتك هذي محيره


بس ..

كل ليش من هـ الليشات ما تنطبع على الكل

عشان كذا جت الليشات و اصبح الامر مستغرب من البعض


وجهة نظر


..

[نبهانيه]

اخوي كويتي سابق ....شاكره مرورك ومحاولتك للاجابه على ليشاتي ...ههههههوراح اجرب الحلول ...منور...

اخوي خالد الراشد...حياك الله ..وفعلا ليشاتي محيره ...بس موجوده ويمكن مثل ماقلت ماتنطبق على الكل ...لكن للاسف للاسف موجوووووووووووووووووده...نورت..وشاكره لك مرورك ...

[كحيلان]

دائما يطري بالي وبال اي انسان مجموعة ليشات ..وليش تعني لمااااااااااذا ..
المهم عندي ليشات واجد حبيت اشاركم فيها واشوف رايكم ..

ليش دائما الانسا الطيب والصافي يقولون عنه للاسف خبل ..
لان الناس تمشي عكس
وليش دائما الانسان اللي يعطي ويعطي ويعطي ولو مره يوقف عن هالعطاء الناس تجحد اي شي كان معطيه من قبل ..
لان الي حوله مجموعه من الطماعين
وليش الانسان اللي يااخذ ويااخذ ويااخذ ومره يغلط ومن غير قصد يعطي العالم يخلونه ولا حاتم الطائي ..
لانهم مو متعودين على عطائه ومستانسين ويبونه يستمر يعني يطبلوله
وليش الناس لما تشوف احد ساكت عنهم ولا يحب يجادلهم يقولون ضعيف ...
حكم القوي على الضعيف نظام الغابات الافريقيه وغيرها من الغابات
وليش الانسان اللي يجادلهم ويناقشهم يقولون ملسون ...تناقض صح..
مع اني ماشفت احد قال جذي بس الملسون الي خالف تعرف
وليش اللي يوصل الناس واهله ولا يقطع فيهم الناس تمل منه وتستقبله ببرود ..
صار راعي محل مو ضيف
واللي مايدري عنهم وقاطع فيهم لو مره يغلط ويجيهم تلقى العالم مسوين له احتفال ويستقبلونه
استقبال حافل مثل مايقولون..
لانه ضيف
وليش الناس تحب البعيد ..وتحاول تبعد عن القريب..
مادري تتكلمين على منو بس البعيد عن العين بعيد عن القلب مثل معروف
وليش الام تحب الكبير والصغير اكثر من الوسطي ....معاناه والله ...
الام تحب كل العيال حب فطري وكل واحد من العيال يحس ان امه تحب اخوه اكثر منه ولا هو نفس الشي
وليش الابو يحب بنته اكثر من ولده والام العكس....
نفس الاجابه السابقه
وليش الناس اللي ساكت عنهم ولايبي يتطاول عليهم يتمادون معاه واللي يرد عليهم
ويغلط يسكتون عنه ...
الي يسكت يعطي مجال للغير انه يتمادى والي مايسكت يوقف الغير عند حده والي يتمادى يبي اجابه واذا ماحصل عليها راح يتمادى ليما نسكر حلقه بأجابه
ليش الادب مع الناس صار نادر وقلة الادب صارت قوه ..
فيه مثل يقول اذا طعنك احد من ظهرك فعلم انه ورائك هههههههه
كل انسان يقدر يكون قليل ادب بس مو اي احد يقدر يكون مؤدب ..
حكمه
ليش انقلبت موازين الحياه وصار الصح غلط والغلط صح ..
هذي من علامات الساعه
ليش الظالم صار مظلوم والمظلوم خلوه الظالم ..
هم من علامات الساعه
ليش اللي يقول الحق يصير عدو والمنافق يصير الصديق ...
لان الناس ماتبي الحق والمنافق مافيه اجمل من تعبير منافق عليه
ليش الناس اللي تحبنا مانحبهم واللي نحبهم مايحبونا ..فعلا عجيبه هالليش ...وتصير دائما..
ماصارت معاي والله
ليش انا قلت هالليشات ...والله ماادري ....
يمكن فضفضه ؟؟؟
تقبلوووا ليشاااااتي .....اختكم نبهانيه [/color]..:p

تقبلناها بصدر رحب


وشكرا

[نبهانيه]

اجابات ...رائعه اخوي كحيلان ....وماقصرت تعبتك معاي انا وليشاتي او مثل ماقلت انت فضفضه..

وبصراحه....نوووووورت...بأجاباتك...وشاكره سعة صدرك ...وتقبلك لليشااتي..

[أبو عواد]

ليش الأنساان يقراا موضووع شطوولة

وماايفهم شي؟

[النوخذة]

طيب ليش كتبتي كل هاليشااااات ....:D


الحياة عبارة عن مجموعة تناقضات ....والافضل ان لا نقول "ليش" بنتعب مع اليش...!

ولكن الافضل ان نقول كيف ...؟ وكيف هو البحث عن حل هذه التناقضات "المستعصيه..!

وبس...
:)

اتشكر ليشاتك وطرحك للموضوع..
:)

[نواف الفارس]

ليش دائما الانسا الطيب والصافي يقولون عنه للاسف خبل ..

لان بعض الناس تعتبر الطيبه ضعف
والناس هذي لازم نوريهم العين الحمرا لانهم راح يخافون منا ويحسبون لنا الف حساب
خلك على نيتكِ وطيبتكِ لان ربي راح يرزقكِ عليها ولا تلتفتين لتفكير اللي حولكِ لان رضى الناس غايه لا تدرك

وليش دائما الانسان اللي يعطي ويعطي ويعطي ولو مره يوقف عن هالعطاء الناس تجحد اي شي كان معطيه من قبل ..

هكذا الحياة لا تخلو من الخذلان والجحود
اعملي الخير لوجه الله سبحانه وتعالى فلا تنتظرين من البشر حمداً أو شكورا وجزاؤكِ عند الله
وإن ما تقومين به من خير تجدين مكافأته عند نفسكِ من احترامكِ لنفسكِ وعلو ذاتكِ أمامكِ وهذا مكسب لا يعيه للأسف البعض

يقول المثل( إعمل الخير وارميه البحر )و ( إزرع جميلا ولو في غير موضعه لن يضيع جميل أين ما زرع )

وليش الانسان اللي يااخذ ويااخذ ويااخذ ومره يغلط ومن غير قصد يعطي العالم يخلونه ولا حاتم الطائي ..

هذه حاله اراها كثيراْ بحياتنا اليوميه .. ولن اتكلم عنها لانها تختلف من شخص لاخر
واعتقد ان الناس ماتحب تمتدح الشخص اللي يعطي والشخص الكريم لان المدح فيه زايد
ويمكن كذلك من الغيره
ويحبون يرفعون شأن البخيل لانهم يعلمون ان حتى لو امتدحوه لان يفوقهم بشي
ومعروف عن الجميع ان بس ياخذ ولا يعطي

وليش الناس لما تشوف احد ساكت عنهم ولا يحب يجادلهم يقولون ضعيف ...

اعتقد ان السكوت في بعض الاحيان ممكن يكون عن ضعف لان الشخص قادر يواجه اللي قدامه
او يدافع عن اللي يبه
وفي بعض الاحيان يتحول السكوت الى بكاء
وبعضهم يضطر للسكوت لان مافي فايدة من الكلام مع اللي قدامه
مهما تكلم وجادل بالاخير صعب يوصل وجه نظره للطرف الاخر لان الطرف الاخر لا يتقبل

فالسكوت عندما تجادل الاحمق هو قمة الذكاء وقمة العقل


وليش الانسان اللي يجادلهم ويناقشهم يقولون ملسون ...تناقض صح..

فعلاْ تناقض كبير .. وهذه تحصل كثيراْ
ولكن يجب على كل انسان ان يعامل الناس ما يعاملوه
ويجب ان تجادلهم وتناقشهم باسلوب راقي ومهذب لكي تحرج من يجادلك
وان كان مافي فايده بالحديث معهم ..يكون هنا السكوت ابلغ من الكلام
اقصد هنا السكوت الي يدل على عدم الاهتمام والاكتراث..وليس السكوت الي يكون بضعف

وليش اللي يوصل الناس واهله ولا يقطع فيهم الناس تمل منه وتستقبله ببرود ..
واللي مايدري عنهم وقاطع فيهم لو مره يغلط ويجيهم تلقى العالم مسوين له احتفال ويستقبلونه
استقبال حافل مثل مايقولون..
وليش الناس تحب البعيد ..وتحاول تبعد عن القريب..


هذا شي واقع وحاصل ..والسبب اعتقد يكون من الغيره والحسد والقلوب السوداء اللي ما تحب الخير للناس القريبه منها
ويمكن لانها ماتبي احد يكون احسن منها بوصل الارحام وتميزهم عند الجميع
وهذا حاصل عندنا بالقبيله بشكل كبير :)


وليش الام تحب الكبير والصغير اكثر من الوسطي ....معاناه والله ...
وليش الابو يحب بنته اكثر من ولده والام العكس....

صحيح انا الاحظ هالشي ان الام تحب الولد الكبير .. ومرات تمرض لما يغيب عنها
وتحاتيه طول الوقت
ويكون اهو بالنسبه لها كل شي والباقي يكونون سواسيه .. راحت علينا :D

وحب الاب لابنته لانه تحن عليه كثيراْ اكثر من ابناءه وهي تبين له هذا الشي دائماْ عكس الولد
وتهتم به اكثر كذلك .. وكذلك الاب يعطف عليها لانها بنت ومالها غير ابوها وهي دائماْ ماتكون ضعيفه وتحتاج رجل يكون معها في جميع المواقف
واعتقد انها مساله غريزيه

وليش الناس اللي ساكت عنهم ولايبي يتطاول عليهم يتمادون معاه واللي يرد عليهم
ويغلط يسكتون عنه ...
ليش الادب مع الناس صار نادر وقلة الادب صارت قوه ..
كل انسان يقدر يكون قليل ادب بس مو اي احد يقدر يكون مؤدب ..
ليش انقلبت موازين الحياه وصار الصح غلط والغلط صح ..

الناس اجناس
هذا المثل ينطبق على الاشخاص الي يمروا علينا بحياتنا ونصادفهم ونتعامل معهم
كل يوم نقابل اشخاص مختلفين في الطباع والصفات والاخلاق والقيم والتفكير
ممكن تصادف شخص وتتعامل معاه وتلاقيه في قمة الادب والاحترام والاخلاق العاليه..وتكون سعيد بانك قابلته
وفي ناس تقابلهم يكونوا وقحين ما يعرفوا معنى الاخلاق ولا الاحترام وتتعامل معاك بطريقه سيئه
هؤلاء اشخاص يكونوا غالبا اصحاب شخصيات مستبده...و لئيمه
عباره عن خليط عجيب من قلة الاحترام والغرور واللئم
السكوت والصمت افضل طريقة لرد على مثل هؤلاء...
واستقبلهم بابتسامة
مثل ما يقولون( طنش تعش ) :)


ليش الظالم صار مظلوم والمظلوم خلوه الظالم ..

المسألة معكوسة هالأيام... الظالم صار مظلوم والمظلوم صار ظالم..... الخلطة السحرية سهلة.. تتظاهر عند الناس بالتدين وإنك فقير مسكين .. وإلعب لعبتك.. وإظلم.. في النهاية بيقولون عنك .. مسكين.. طول عمره مظلوم هالإنسان.. تعريف النفاق : بكل بساطة تسوي شي وتدّعي العكس :)

ليش اللي يقول الحق يصير عدو والمنافق يصير الصديق ...

لان مرات الحق يزعل ويجرح .. وهذا شي يتقبله الكثير مع ان من يقول الحق فيك هو الانسان اللي يحبك ويهتم لك
ولكن هم يريدون اللي ينافق ويمدحهم على طول ولا يبين عيوبهم ويقول كل شي جميل امامهم
ومن خلفهم يقولون العكس ولا يحبون لهم الخير
ويجب ان نتمسك من يصاروننا بكل شي حتى بعيوبنا لانهم بالاخير هم من يريدون مصلحتنا
ام الطرف الاخر يجب ان نبتعد عنهم لانهم راح يبيعوننا بالاخير

ليش الناس اللي تحبنا مانحبهم واللي نحبهم مايحبونا ..فعلا عجيبه هالليش ...وتصير دائما..

هذه مشكله فينا احنا لان لما نشوف الشخص يحبنا وقريب منا نقول هالشخص خلاص بالجيب
ونبحث عن البعيد عنا او اللي مايحبنا علشان نقربه منا
وهذه صفه سيئه لاننا مانعطي الانسان اللي يحبنا ويهتم لنا حقه
ونعطي الاهتام كله للشخص الاخر اللي اهو مايحبنا وبعيد عنا

واتمنى من كل شخص يغير هالصفه السيئه اذا كان فيه
ويبادر ويهتم ويحب كل شخص يستحق ولا نبخس حقهم


نبهانيه

هذه هي الحياه
وهذا الواقع اللي نعيشه نحن
ويجب على كل انسان ان يكون عنده جواب على كل تساؤل ..
لاننا بعدما يكون عندنا جواب على كل سؤال سندرك بالاخير كيف نعيش ونجاري هذه الحياه والاشخاص اللي فيها من خيرها وشرها


كل الشكر على الموضوع
موفقه يارب

[نبهانيه]

اخوي فدعوس ..حياك الله وشاكره محاولاتك اليائسه لفهم وحل ليشاتي...
يكفيني مرورك...نورت...

[نبهانيه]

اخوي النوخذه...اسعدني مرورك ...وبالنسبه لكلامك عن سبب ليشاتي ههههههه :p

يمكن لاني حسيت ان هالمتناقضات صارت شي عادي والكل متعايش معاها وكأنها هي الصح ..

والصح صار هو الغلط ..اما عن الحلول ...انسى مالي امل القى حلول ...مع هالعالم وتناقضاته

الزايده .... مقدره وشاكره لك محاولتك للاجابه...نورت ....

[نبهانيه]

اخوي نواف الفارس ...نورت فعلا ...وبصراحه اجابات اكثر من رائعه ..

وفعلا هذا هو الواقع ..اللي نعيشه رضينا اومارضينا ..وماراح يكون فيه تغير لهالواقع مهما

نحاول ...لكن هم صعب نغير نفسنا ..فالافضل محاولة التكيف مع هالواقع ومجاراة

الاشخاص المتناقضين اللي عايشين معانا :confused:...شاكره لك ..

ويعطيك العافيه....:).

[المظهري اللامي]

يعطيك العافيه